1 Timotius 1:9 - Muna Southern Dialect

⁹ Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

1 Timotius 1:9 Iomraidhean Croise

Matius 10:21

O mie damowa kakutando ne kokuasano damongkoeꞌao, pedamo dua o ama damowa anando damongkoeꞌao.

Roma 1:30

Andoa sadhia dokamuntu-muntuꞌao mie bhaindo, dofekabuhumo neando mie bhaindo, dobansimo Lahataꞌala, miina daepandeꞌao uluꞌa, dembalimo kalangke diu, dosangke-sangke wutondo, dopandemo deꞌondofi akala buꞌou so dahumabu modaiꞌao, bhe miinamo damosibhala kamungkulando.

Roma 4:13

Lahataꞌala nopodhandi ne Abraham bhe sampuꞌano namaꞌanda dhunia ini somo fehebuaꞌando. Dhandi aini nobhoasaane Lahataꞌala suano mbaꞌinomo Abraham noangkafi tubhono agama Yahudi, tamaka hampano kaparasaeano, sampe Lahataꞌala notahimae peda seemie banara.

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Roma 6:14

O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.

Galatia 3:19

Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Galatia 5:18

Tamaka ane motawakalaomu dadimiu ne Rohino Lahataꞌala, ingka paemo namaraluua mangkafiomu sabhaha tubhono agama Yahudi.

Galatia 5:21

dopomole-moleaꞌao lalo, dololanu, sakahame dohumaa dofohoꞌu, bhe sabhaha habu modai sigaoꞌano. Peda padamo afohatokoomu endefiꞌini, aitu amenduaꞌangkoeꞌomu dua, mie humabuno sabhaha podiu medando maitu paise daeꞌawa kadawu weo Kafopahintaꞌano Lahataꞌala.

Galatia 5:23

dofekapanda wutondo bhe dopoolie dofewanaki totono lalondo. Miina bhe tubhono agama meꞌeleꞌaono podiu medano maitu.

2 Tesalonika 2:8

kaneꞌomo manusia foliuno kadai naꞌa namotiumba wutono. Tamaka nahumato Ompu Yesus, manusia ini tanabuso komate-mateno, namobinasaane tilangano kumalabhiano.

1 Timotius 4:7

Fogampie tingalamu ne sabhaha tula-tula sia-sia bhe kapu-kapunando kamungkula ngkehu. Ulei lalomu kaneaꞌe wutomu so dadi lumebeno.

1 Timotius 6:20

Hintu, Timotius, dhagani metaaꞌe kafoinaꞌu toka neposahunaꞌao ne hintu. Fekakodoꞌo wutomu ne sabhaha pugau tapa kofahalaa bhe tapa mongkilo. Fekakodoꞌoe dua wutomu ne mie potaga-tagaliꞌaono nekonando kapande, gahaꞌa suano.

2 Timotius 2:16

Tamaka fekakodoꞌo wutomu ne wamba tapa kofahalaano bhe tapa mongkilo, kapaꞌamo wamba pedando naꞌa nefodhulu kaowu kadaindo mie.

2 Timotius 3:2

O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.

Titus 1:10

Kapaꞌamo dobhahimo mie pata meangkano ne kafoinaꞌu metaa, mangke-mangkemo andoa nandoo mintahakino kafoinaꞌuno agama Yahudi. Mie bhaindo dobhohe-bhoheꞌianda sabhaha tula-tula pata kofahalaa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 1:6

Seemie neangkando umati tetewei mie tapa kodengo-dengono, hobhineno seemie kaowu. Anaꞌino tabeano doparasaeamo ne Kristus, miina dakumonada mie dumadino mangkafino namisindo tawa mie tapa meangkano.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

Ibrani 11:31

Hampano kaparasaeano, Rahab, seemie karambole, miina nabinasa napoowa-owa bhe mie pata meangkano ne Lahataꞌala, mbaꞌinomo notahima metaada mata-mata miendo Israel.

Ibrani 12:16

Dhaganieꞌomu koe sampe bhe dumadi pokawite-witeno tawa tapa mefadhulino dadi lumebe peda Esau. Ingka anoa noaso hakuno titiisa so kaowu neꞌawaꞌao oti sepihi.

1 Petrus 2:7

Kontu anaꞌa nokoharagaa sepaliꞌa so hintimiu marasaeano, tamaka so mie tapa marasaeano nopokantibhamo bhe kabuhino Kitabi peda aini, “O kontu neꞌohondo mefelambuno, ingka nembalimo sandi bhalano.”

1 Petrus 3:20

Rohi andoa maitu saneamo pata meangkano ne Lahataꞌala ne dhamanino Nuh endefiꞌini. Wakutuu anaꞌa Lahataꞌala nokosabaha noantagi manusia dabhalii diundo, tangasano Nuh nofotoka bhangka bhalano nehabuno. Ne naꞌa seendai kaowu sumalamatino maiꞌao ne luano oe bhalano, kabhahindo dooalu.

1 Petrus 4:18

⸤ Weo Kitabi notibuhi peda aini,⸥ “Ane mie banara noꞌalimo dasumalamati, o ae bhahaa so kumadhadhiaꞌano ne mie pata meangkano bhe mie kodhosa?”

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.