1 Timotius 1:7 - Muna Southern Dialect

⁷ Gaondo andoa ini daembali guruno agama Yahudi, gahaꞌaitumo miina dalumosangiea wambado wutondo, miina dua damandeꞌaanea kafoinaꞌu nefosuhundo ne mie bhaindo.

1 Timotius 1:7 Iomraidhean Croise

Matius 15:14

Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”

Matius 21:27

Pada aitu dotobhoosimo ne Yesus ambado, “Miina tamandeꞌaanea.” Ambano dua Yesus, “Ane peda itu, paise dua amohatokoomua kaengkohaꞌano kuasaku aehabu sabhaha timenteꞌaono maitu.”

Lukas 2:46

Nopooli tolu oleo dopoꞌawaanemo weo Lambuno Lahataꞌala, tangasano nengkoha-ngkoha ne wunta-wuntando guru agama. Anoa nofeti-fetingkeda bhe nofee-feena.

Tula-tulando rasulu 15:1

Nandoo seemie hodua maiꞌaono we Yudea dokala we Antiokia dofoguhu bhahitieꞌi ne itu. Ambado, “Ane pae dasumunakoomu peda adhati kahunsaꞌaono Musa, pae naembalia damosalamatikoomua.”

Roma 1:22

Doabhi wutondo dopandemo, gahaꞌaitumo dobhohe.

Galatia 3:2

Soba fohato kanauꞌomu sehondano ini: bhahaa metahimaomu Rohino Lahataꞌala mbaꞌinomo dhalangiomu tubhono agama Yahudi, bhahaa mbaꞌinomo fetingkeomu Bhihita Metaa bhe parasaeaꞌomu ne Kristus?

Galatia 3:5

Kaowu nadamo amai itua? Ingka Lahataꞌala miina naegana-ganaa nowaꞌangkoomu Rohino bhe nehabuangkoomu sabhaha tanda tapa mentela. Bhahaa nowaꞌangkoomu peda naꞌa mbaꞌinomo dhalangiomu tubhono agama Yahudi kaa bhahaꞌi mbaꞌinomo fetingkeomu Bhihita Metaa bhe parasaeaꞌomu ne Kristus?

Galatia 4:21

Bhahitieꞌiku moindalono dumadino weo tubhono agama Yahudi, miina metingkeeꞌomua gahaꞌa wambano Kitabi anaꞌa?

1 Timotius 6:4

mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

2 Timotius 3:7

Mahinggamo hobhine andoa ini defefoinaꞌu kansuhu, o kabanara miina sepaliꞌa damooliea dolosangiea.

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.

2 Petrus 2:12

Tamaka mpahaguru-guruno maitu pasaꞌidamo kadadi tapa kofekihino, tadodadimo so mbadhando, dolente so kaowu dahumakoda bhe dasumumbeleda. Andoa dofekaꞌaebu tapa nelosangindo, sampe habu modaindo maitu somo kabinasaꞌando pasadamo kadadi fohumaano.