1 Timotius 1:20 - Muna Southern Dialect

²⁰ Ne olotando mie pedando naꞌa notilentumo ndo Himeneus bhe Aleksander. Andoa ini atawakalaandamo ne Kafeompuꞌando seetani so domandaꞌao damekaꞌaebu Lahataꞌala.

1 Timotius 1:20 Iomraidhean Croise

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.

Tula-tulando rasulu 13:45

Sadowoha kabhahindo mie peda naꞌa, miendo Yahudi dokoulamo ne Paulus bhe Barnabas sampe dofekaꞌaebuda bhe doewangi kafoinaꞌundo.

Tula-tulando rasulu 19:33

Nandoo seemie koneaꞌano Aleksander dodhudhulaane miendo Yahudi te wise, kunaꞌendomo anoamo mehabuno kahungga. Lasao noaleda keana dohobho patudhuno natumunduꞌao wutono te wisendo mie bhahi maitu.

1 Korintus 11:32

Ampamo kaowu ane daeꞌawa kahukumuno Lahataꞌala, ingka nofotangahi keana deꞌawa kahukumu ⸤ suhue dhamani⸥ dapoowa-owa bhe dhunia ini.

2 Korintus 10:6

Ane natiwohamo hintimiu kotu-kotuꞌu membaliomu mie meangkano ⸤ ne Kristus⸥ , insaodi tamantaa-ntaa tahumukumu sabhaha mie tapa meangkano.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

2 Tesalonika 3:15

Ampamo kaowu, koise abhieꞌomu kaewa, tamaka tangahieꞌomu peda bhahitiemiu.

1 Timotius 5:15

Kapugauꞌaku peda ini, nandoomo bhihinanda kolilinono fekihi sampe doangkafimo Kafeompuꞌando seetani.

2 Timotius 2:14

Mefeꞌulaianda bhe owiliandae mpuu kosasawiꞌae ini. Ne wiseno Lahataꞌala tangahida koise dopotaga-tagaliꞌao maꞌanano sewobha wamba, kapaꞌamo miina sepaliꞌa nakofahalaaꞌa, bhahamoa tanodai-dai kaowu kaparasaeando mie metingkee.

2 Timotius 2:17

Kafoinaꞌundo mie medando anaꞌa nohamba tapedamo kanda bubu. Ne olotando andoa maitu notilentu dua ndo Himeneus bhe Filetus.

2 Timotius 3:2

O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.

Ibrani 12:5

Molimpuꞌaanemoomu gahaꞌa katangahino Lahataꞌala kumonakoomu anaꞌino? Ingka bhoasaono peda aini, “Anaku! Koe pisakiomu katangahi bhe kahukumuno Ompu, koise nobhotu kaposahunaꞌaomiu ane nofoꞌalakoomu.

Powoha 13:1

Pada anaꞌa awohamo kadadi nolimba maiꞌao weo teꞌi, fotuno fitu pongke, tanduno ompulu pele. Ne tanduno naꞌa nandoo ompulu woka songkono omputo. Te fotuno notibuhi sabhaha nea kafekaꞌaebu ne Lahataꞌala.

Powoha 3:19

Sasuka nemoasiꞌaoku atumangahie bhe ahumukumue; dadiꞌanomo fodadiomu lalomiu bhe fetompaꞌao podiu modaimiu.