1 Timotius 1:15 - Muna Southern Dialect

¹⁵ Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

1 Timotius 1:15 Iomraidhean Croise

Matius 1:21

Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.”

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 18:11

[Kapaꞌamo Anano Manusia nomai namosalamati kolilinono totono lalo].”

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 9:13

Dadiꞌanomo kalamoomu, maꞌanakiomu wambano Kitabi aini, ⸤ Ambano Lahataꞌala⸥ ‘Kapoindaloku dopomobhela-bhelaꞌao lalo, suano kapopanga’, kapaꞌamo kahatoꞌaku miina aeꞌondofi mie mongkilo, tamaka mie kodhosa.”

Markus 2:17

Yesus nofetingkeda, maka nopugau ne andoa ambano, “Mie metaano namisi miina naefaraluu foagono, mpahinomo mie mosaki. Pedamo dua Idi, hatoku ini miina aeꞌondofi mie mongkilono, tamaka aeꞌondofi mie kodhosano.”

Lukas 15:2

Miendo Farisi bhe pande-pande Kitabi dokamuntu-muntu ambado, “Pahasili, mie aini netahima mie kodhosa bhe nohumaa nopombali-mbalianda.”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Lukas 5:32

Hatoku ini miina aeꞌondofi mie mongkilo, tamaka mie kodhosa neanomo dametompaꞌaomo podiu modaindo.”

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Yohanes 12:47

Ane dofetingke kafoinaꞌuku, tamaka miina damangkafie paise ahumukumue Idi, kapaꞌamo kahatoꞌaku paise ahumukumu dhunia ini, tamaka amosalamatie.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Tula-tulando rasulu 11:1

Rasulu bhe bhahitie marasaeano we Yudea dofetingkemo mie suano Yahudi detahimamo dua bhoasaono Lahataꞌala.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 5:6

Wakutuuno miina dakonipooliomua, ne tempo toka nefotantuno Lahataꞌala, Kristus nomate so intaodiomu mie modai.

1 Korintus 15:9

Kapaꞌamo idi ini foliunomo kandidiki ne olotando rasulu, sakotuꞌuno pae namantasia dakumona kanau rasulu hampano padamo afodee-dee umatino Lahataꞌala.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

1 Timotius 3:1

Nokotuꞌu mpuu bhoasao aini: mie mobhalano lalo naembali neangkando umati nepoindalo kahadhaa mokesa.

1 Timotius 4:9

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

2 Timotius 2:11

Ingka nokotuꞌu mpuu bhoasao aini, Ane padamo domateomu bhe Anoa, ingka mada kaowu dadumadiomu dua bhe Anoa;

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

1 Yohanes 3:5

Ingka pandeꞌaanemoomu Kristus nomai notolosi dhosando manusia, Anoa miina nakodhosaa.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

1 Yohanes 5:11

Kasakusii anaꞌa peda aini: Lahataꞌala nowaꞌa kaitamo dadi suhue dhamani, maka kamaiꞌaoꞌano dadi amaitu ingka o Anano.

Powoha 21:5

Mengkohano te kaengkohaꞌano omputo nopugau ambano, “Kosasawiꞌae apahabuꞌounie!” Ambano dua, “Buhie, kapaꞌamo sabhaha bhoasao aini notiparasaea bhe nobanara!”

Powoha 22:6

Pada anaꞌa nopugaumo malaꞌekati amaitu ambano, “Sabhaha bhoasao aini notiparasaea bhe nobanara. Ompu Lahataꞌala maꞌaono Rohino ne ana-anabii, notudumo malaꞌekatino namotiwoha ne palima-limaꞌino o ae tetewei so kumadhadhiaꞌano mehimba.”

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.