1 Tesalonika 5:18 - Muna Southern Dialect

¹⁸ Ne sabhaha waweno dadi mefoampeomu katumpuno lalo, kapaꞌamo anaꞌa kapoindalono Lahataꞌala so hintimiu seꞌiseno bhe Kristus Yesus.

1 Tesalonika 5:18 Iomraidhean Croise

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

1 Tesalonika 4:3

Kapaꞌamo kapoindalono Lahataꞌala peda aini: dadi mongkilo, maꞌanano dofekakodoꞌo wutondo ne podiu pokawite-wite.

Ibrani 13:15

Dadiꞌanomo sadhia foampe kaitaomu kapudhi ne Lahataꞌala namangka ne Kristus, anaꞌaemo kapopanga nefoampentoomu, noangka ne wiwinto mekakalabhiano neano.

1 Petrus 2:15

Kapaꞌamo patudhuno Lahataꞌala habu metaamiu nadumampu wobhando mie kabhohe-bhohe bhe mohohobuno fekihi.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

1 Yohanes 2:17

Dhunia bhe sabhaha kanandoono nepoindalono manusia dhulu kasali, tamaka mie mangkafino kapoindalono Lahataꞌala nadumadi suhue dhamani.