1 Tesalonika 4:12 - Muna Southern Dialect

¹² Ane nada anaꞌa, pae membaliomu wowoꞌono mie bhaimu, dadimiu naetaa ne pomatano mie sigaoꞌano tapa marasaeano ne Kristus.

1 Tesalonika 4:12 Iomraidhean Croise

Markus 4:11

Yesus notobhoosida ambano, “Hintimiu nowaꞌangkoomu dawua Lahataꞌala pandeꞌaanemoomu rahasiano Kafopahintaꞌano. Tamaka mie sigaoꞌano aepakeanda kapalenda,

Roma 12:17

Kadai koise bhoosiane kadai. Sabhaha habu metaaꞌano ne pomatando mie, habueꞌomu.

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

1 Tesalonika 5:22

Fekakodoꞌo wutomiu ne sabhaha modaiꞌano.

1 Timotius 3:7

Anoa tabeano netaa dua neano we simbalindo umati weo poliwu, keana dofoꞌalae mie bhaino sampe nakumona ne tando kataꞌono Kafeompuꞌando seetani.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

1 Petrus 3:1

Pedamo dua hintimiu hobhineꞌi, tuhuomu ne moꞌanemiu, neanomo ane nandoo ne olotando moꞌaneꞌi maitu tapa marasaeano ne bhoasaono Lahataꞌala, podiu metaamiu somo damarasaeaꞌao, mahinggamo pae metula-tulaomu.