1 Tesalonika 3:3 - Muna Southern Dialect

³ Ane nada anaꞌa, paise bhe so tiundano kaparasaea weo kasabhamiu ini. Ingka pandeꞌaaneomu kasabha ini nopesuamo dua weo patudhuno Lahataꞌala nefotantuno so intaodiomu.

1 Tesalonika 3:3 Iomraidhean Croise

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Tula-tulando rasulu 2:25

Kapaꞌamo Daud nopugau nopulaoꞌao Anoa peda aini, ‘O idi sadhia awoha Ompu Lahataꞌala te wiseku; hampano Anoa neehe-ehe ne suanaku, idi miina akakenda-kendaa.

Tula-tulando rasulu 21:11

Anoa nomaiꞌi kainsami maka noala kawaweno Paulus. Pada anaꞌa nokatapumo limano bhe aꞌeno wutono bhe nopugau ambano, “Ambano Rohino Lahataꞌala: Kokawaweno ini dakumatapue miendo Yahudi we Yerusalem nada aini, maka daowae ne limando mie suano Yahudi.”

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

1 Korintus 4:9

Kapaꞌamo fenaiku, insaodi rasulu, Lahataꞌala notei kainsami we kundo-kundo, tapedamo mie so nepongko ne wisendo mie bhahi. Insaodi taembali kapokabhidha-bhidhaꞌando dhunia ini, kasimata-mataꞌandomo sabhaha mie bhe malaꞌekati.

Efesus 3:13

Dadiꞌanomo aesalo ne hintimiu, koise nondidiki lalomiu fetingke kanauꞌomu akadee-dee so hintimiu, kapaꞌamo kakadee-deeku ini so kaetaaꞌamiu.

Filipi 1:28

Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

1 Tesalonika 5:9

Kapaꞌamo Lahataꞌala miina nafopili so nofokantibhaꞌao amaha, tamaka so daeꞌawaꞌao kasalamatiꞌa mangkaꞌano ne Yesus Kristus Ompuntoomu.

2 Tesalonika 1:4

Kanandooꞌanomo sampe ne olotando tombu-tombudo umatino Lahataꞌala, sadhia nowose bhake mani taetula-tulaꞌao sabahamiu potaamiomu bhe kaparasaemiu weo sabhaha kafodee-dee bhe kasabha nenamisimiu.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.