1 Tesalonika 3:11 - Muna Southern Dialect

¹¹ Sio-siomo wutono Lahataꞌala Amantoomu bhe Ompuntoomu Yesus Kristus naelengka kainsami kaangkaꞌa tamai we hintimiu.

1 Tesalonika 3:11 Iomraidhean Croise

Matius 6:14

Ane maꞌafuꞌaoꞌomu mie kokaꞌalano ne hintimiu, Amamiu te surugaa naꞌumamponikoomu dua.

Matius 6:18

keana dopandeꞌaane mie bhaindo putae poasaomu, ampamo kaowu Amamu tapa tiwohano mandeꞌaane. Maka Amamu mohano tifebuniꞌano nabholosiangkoeꞌomu.”

Matius 6:26

Soba ondoomu kaꞌuhi lumolano; miina dahumooa, miina dakumape, miina dua dasumolo pehapindo, tamaka Amamiu te surugaa noꞌondofaanda. Ingka foliuda hintimiu bhe kaꞌuhi lumolano maitu.

Matius 6:32

Kosasawiꞌae naꞌa nefosibhalandomo sabhaha bansano liwu tapa mandeꞌaono Lahataꞌala. Amamiu te surugaa nopandeꞌaane kosasawiꞌae maitu faraluuꞌeomu.

Matius 6:4

Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

Matius 6:6

Tamaka ane sumambahea pesua weo bolokumu, onto fointo maka sambahea ne Amamu pata tiwohano. Ane nada naꞌa Amamu mohano tifebuniꞌano nabholosiangkoe.

Markus 1:3

Nandoo suaha mekei-keino we pandaso bhalano ambano, ‘Mebhongkaomu kaangkaꞌa so Ompu; fekalaaꞌeomu so kaangkaꞌano.’ ”

Lukas 12:30

Kosasawiꞌae naꞌa nefosibhalandomo sabhaha bansano liwu ne dhunia ini tapa mandeꞌaono Lahataꞌala. Tamaka Amamiu nopandeꞌaane kosasawiꞌae naꞌa ingka faraluuꞌeomu.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Roma 1:3

Bhihita Metaa aini nopulaoꞌao Anano Lahataꞌala, Yesus Kristus Ompuntoomu. Peda seemie manusia, nolente maiꞌao ne sampuꞌano omputo Daud.

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Galatia 1:4

Yesus Kristus nofotawakala wutono sampe dopongkoe mbali katolosino dhosantoomu, so namolapaꞌao intaodiomu maiꞌao ne dhamani modai ini. Habuno Kristus ini noangkafi kapoindalono Lahataꞌala Amantoomu.

Kolose 1:2

Apakatue so hintimiu bhahitieꞌiku, umati mongkilono Lahataꞌala we Kolose, motangkano kaparasaea ne Kristus. Sio-siomo kabarakati bhe katohopono dadi maiꞌao ne Lahataꞌala Amantoomu sadhia napobhaiangkoomu.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

2 Tesalonika 3:5

Sio-siomo Ompu namato totono lalomiu lumosangieꞌomu kanini kaasino Lahataꞌala bhe namaꞌangkoomu sabaha dapotaami peda Kristus.

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.