1 Tesalonika 3:10 - Muna Southern Dialect

¹⁰ Mentae mohondo tampuu-mpuunie sepaliꞌa taesalo ne Lahataꞌala, neanomo naembali toha dapoꞌawa-awaomu, tamokapoangkoomu nemokaeꞌaomiu weo kaparasaeamiu.

1 Tesalonika 3:10 Iomraidhean Croise

Lukas 2:37

Ampa aini nobhihinandamo, umuhuno alu fulu fato taꞌumo. Anoa ini miina nagumaati Lambuno Lahataꞌala, mentae mohondo nosombai Lahataꞌala, sadhia nopoasa bhe nosambahea.

Tula-tulando rasulu 26:7

O dhandi anaꞌa nentaa-ntaandomo dua miendo Israel ompulu haa sampuꞌano, kakampuu-mpuuꞌandomo dosombai Lahataꞌala mentae mohondo. Kolaki Agripa nefosibhalaku, kasungkuꞌando miendo Yahudi ini ingka mbaꞌinomo aposahunaꞌao ne dhandi anaꞌa.

2 Korintus 1:15

Hampano miina apoibhahaane kaposahunaꞌaomiu ne idi, patudhuku wakutuu anaꞌa amai kadeki apoꞌawaangkoomu, neanomo namehaa paku metahimaomu kabarakati.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

Filipi 1:25

Aparasaea mpuu bhe apandeꞌaanemo putae nandoo sumadaa-daa aeate bhe hintimiu, neanomo sadhulu-dhulu katangkano kaparasaeamiu bhe kawulano lalomiu.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

1 Tesalonika 3:11

Sio-siomo wutono Lahataꞌala Amantoomu bhe Ompuntoomu Yesus Kristus naelengka kainsami kaangkaꞌa tamai we hintimiu.

2 Tesalonika 1:11

Dadiꞌanomo sadhia tasambaheaꞌangkoomu, sio-siomo Lahataꞌala namabhi dadimiu naposahataa bhe kapoindalono, mantasiꞌanomo so mie toka nebhasino. Sio-siomo dua weo kuasano, Lahataꞌala namekakoꞌulaangkoomu patudhu metaamiu bhe namosangkaangkoomu sabhaha kahadhaano kaparasaeamiu.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

Filemon 1:22

Tadua sehonda kamesaloku: mefontaa-ntaa kanau so kabutuꞌaku, kapaꞌamo aposahunaꞌao hampano sambaheamu, dapikifosuli kanau we hintimiu.

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”

Powoha 7:15

Dadiꞌanomo deehe-ehemo ne wiseno kaengkohaꞌa kumalabhiano Lahataꞌala bhe dofeompu ne Anoa mentae mohondo weo Lambuno Lahataꞌala. Mengkohano te kaengkohaꞌa kumalabhiano naꞌa napobhaianda bhe nakumaolumida.