1 Tesalonika 2:18 - Muna Southern Dialect

¹⁸ Gao mani mpuu tamaiꞌikoomu; wutoku, Paulus, suano kaowu sepaku afesobae, tamaka noꞌontomi kainsami Kafeompuꞌando seetani.

1 Tesalonika 2:18 Iomraidhean Croise

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Roma 15:22

Kanandooꞌanomo taꞌampamo aitu sadhia bhe kapaleiku amai we hintimiu.

1 Korintus 16:21

Aini abuhiane limaku wutoku: salam maiꞌao ne idi, Paulus.

Filipi 4:16

Hampano nandoo kanau we Tesalonika, miina kaowu nasepakua mepakatu kanauꞌomu nefaraluuku.

Kolose 4:18

Idi, Paulus apakatuangkoomu dua salam, abuhiane limaku wutoku. Koe molimpuꞌa kanauꞌomu ingka nandoo atitohongku. Sio-siomo napobhaiangkoomu kabarakatino Ompu.

2 Tesalonika 3:17

Salam maiꞌao ne idi, Paulus. Wamba aini abuhiane limaku wutoku, aini katandaino buhiku weo sabhaha suhaku. Pedamo aini kabuhiku.

Filemon 1:9

Tamaka hampano kanini kaasi, koemo amahintangiko, naetaamo aesaloiko. Idi ini Paulus, akamungkulamo kaꞌasi, pakade atitohongku mbaꞌinomo kaparasaeaku ne Kristus.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.