1 Tesalonika 2:16 - Muna Southern Dialect

¹⁶ Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

1 Tesalonika 2:16 Iomraidhean Croise

Matius 12:45

Pada anaꞌa nosulikimo sabhangkano dopipitu maka dopesua deate ne itu. Seetani bhaino maitu dofoliuꞌe dua kadaindo. Panda-pandano mie aitu dhulu kadaha bhe pakatandano. Nadamo dua anaꞌa so kumadhadhiaꞌano ne mie modaino dhamani aini.”

Matius 23:32

Dadiꞌanomo fopansuhumoomu, fosangkaeꞌomu dhosa-dhosando awuaꞌimiu, fopono kasukando!

Matius 24:14

Bhihita Metaano Kafopahintaꞌano Lahataꞌala ini damolelee ne kosekaꞌewaꞌae dhunia, neanomo sabhaha bansano liwu dametingkee. Mada anaꞌa kaneꞌomo nahumato kafetompaino dhamani.”

Matius 24:6

Ane metingkeomu nduuno popahisaꞌa bhahaꞌi meꞌawaomu bhihitano popahisaꞌa, koemo notikenda handamiu. Ingka kosasawiꞌae maitu tetewei nakumadhadhia, tamaka suanoꞌo kafetompaino dhamani.

Matius 3:12

Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Tula-tulando rasulu 13:45

Sadowoha kabhahindo mie peda naꞌa, miendo Yahudi dokoulamo ne Paulus bhe Barnabas sampe dofekaꞌaebuda bhe doewangi kafoinaꞌundo.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 14:2

Tamaka miendo Yahudi mongaheno marasaeano, dofekasodomo lalondo mie suano Yahudi so dabansiꞌao bhahitie marasaeano.

Tula-tulando rasulu 14:5

Pada aitu o mie suano Yahudi bhe miendo Yahudi doseꞌisemo bhe neangkaꞌindo. Andoa dosikoo-koomo damodee-dee rasulu hoduano maitu bhe dabhatumbulianda kontu ampa damate.

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 19:9

Tamaka nandoo dua seemie hodua katuꞌa fotu. Andoa ini dongahe damarasaea, bhahaa tadofekandidiki kaangkaꞌano Ompu maitu ne wisendo mie bhahi. Kanandooꞌanomo Paulus nohunsadamo. O mie mangkafino Yesus nogaatida maka seꞌo-seꞌoleo nofoinaꞌuda weo boloku kapoguhuꞌano Tiranus.

Tula-tulando rasulu 21:21

Tamaka andoa ini dofetingkemo dua ambado hintu ini mefoinaꞌu miendo Yahudi meateno we koliwuno dahumunsa tubhono agama Yahudi. Ambado pugau putae o anando koemo dosunada bhe koemo dua damangkafi adhati Yahudi.

Tula-tulando rasulu 23:12

Nomentae miendo Yahudi dopokanagau bhe dofemata paise daomaa daohoꞌua ane paeꞌo damongko Paulus.

Tula-tulando rasulu 24:9

Miendo Yahudi sabhangkaꞌino doangkafimo dua dosungkuꞌao Paulus dofekakotuꞌu kosasawiꞌae nepugauꞌaono Tertulus.

Tula-tulando rasulu 25:2

Ne itu neangkaꞌindo imamu bhe kamungkulaꞌindo Yahudi dokalamo dopoꞌawaane patudhundo dasumungkuꞌao Paulus.

Tula-tulando rasulu 25:7

Sahatono kosasawindo miendo Yahudi maiꞌaono we Yerusalem doehemo dolibu-libue, maka dosangkatiane sabhaha kaꞌala mobhie. Ampamo kaowu miina damooliea dofotiwoha bukutiino.

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Tula-tulando rasulu 9:23

Nopalusi seꞌoleo haa oleo miendo Yahudi dopugau-gaumo damongkoe.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

Efesus 3:13

Dadiꞌanomo aesalo ne hintimiu, koise nondidiki lalomiu fetingke kanauꞌomu akadee-dee so hintimiu, kapaꞌamo kakadee-deeku ini so kaetaaꞌamiu.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

1 Tesalonika 1:10

Ambado dua meantagiomu kahatoꞌano Anano Lahataꞌala namaiꞌao te surugaa. Nepulaoꞌaondo naꞌa Yesus, nefowanuno Lahataꞌala nomaiꞌao ne mate, fofosalamatinomo maiꞌao ne amahano Lahataꞌala mada kaowu.

2 Tesalonika 2:10

Anoa naepake sabhaha akala modai so naefekakolilinoꞌao totono lalondo manusia so binasano. So kabinasaꞌando mbaꞌinomo miina datumahima bhe miina daoasiꞌao kabanara so mosalamatida.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

Ibrani 6:8

Tamaka ane o wite notumbuiꞌe kahoku kokihi bhe laiwongka maka wite aitu miina nakofahalaaꞌa, mada kaowu nabhatataꞌianemo Lahataꞌala maka panda-pandano dakumonsulapaiꞌe.

Powoha 22:11

Mie humabu modaino, hunsaꞌanomo naehabu kansuhu modaiꞌano. Mie pokadengono, hunsaꞌanomo napokadengo kansuhu. Mie banara hunsaꞌanomo nahumabu kansuhu kabanara, bhe mie mongkilo hunsaꞌanomo namekangkilo kansuhu wutono.”