1 Tesalonika 2:13 - Muna Southern Dialect

¹³ Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

1 Tesalonika 2:13 Iomraidhean Croise

Matius 10:20

Suanomo hintimiu so mugauno, tamaka Rohino Amamiu te surugaa so kosuahano namangka ne hintimiu.

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Lukas 11:28

Tamaka Yesus tanopugau ambano, “Uumbe, tamaka sedhuluꞌa kakodawuando metingkeno bhoasaono Lahataꞌala bhe doangkafie.”

Lukas 5:1

Sewakutuu Yesus neehe-ehe ne wiwino teꞌino Genesaret, dolibu-libue mie bhahi dametingke bhoasaono Lahataꞌala sampe tadoposeke-sekehemimo.

Lukas 8:11

Maꞌanano kapalenda saꞌituini peda aini. O wine naꞌa bhoasaono Lahataꞌala.

Lukas 8:21

Tamaka Yesus tanotobhoosi ambano, “Mie metingkeno bhe dhumalangino bhoasaono Lahataꞌala, andoamo ini inaku bhe bhahitieꞌiku.”

Yohanes 15:3

Daanumo monggelamoomu hampano wamba nefosampeku ne hintimiu.

Yohanes 17:17

Gaatidamo dembaliꞌao fehebuaꞌamu mongkilono. Fofekangkilono naꞌa ⸤ kafoinaꞌuno⸥ kabanara. Ingka bhoasaomu itu o kabanara.

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Tula-tulando rasulu 10:33

Dadiꞌanomo lasao aetudu mie daꞌumuleiko, hampano kataano lalomu ingka hatomo itua. Aitu tapohompu-hompumo ne wiseno Lahataꞌala tametingkeꞌao kaowilino Lahataꞌala so nefosampemu itu.”

Tula-tulando rasulu 13:48

Dofetingke anaꞌa kosasawindo mie suano Yahudi doꞌia bhe dopudhi bhoasaono Lahataꞌala; o mie nepilino Lahataꞌala so dumadino suhue dhamani doparasaeamo.

Tula-tulando rasulu 16:14

Ne olotando metingkeno nandoo seemie hobhine koneaꞌano Lidia. Anoa nomaiꞌao we kotano Tiatira, nopodagaꞌao kai wungo. Anoa ini noteꞌi dua ne Lahataꞌala. Ompu nolengka totono lalono sampe pugauno Paulus notahimae.

Tula-tulando rasulu 17:11

Mie ne itu nolalesa fekihindo, nopoꞌala bhe miendo Tesalonika. Nohelasi lalondo detahima bhoasaono Lahataꞌala. Seꞌo-seꞌoleo dopoguhuꞌao wambano Kitabi doꞌondofi kantoono pugauno Paulus maitu.

Tula-tulando rasulu 17:32

Dofetingke kawanuꞌando mie mate, nandoo tadebheu bhe dofuta-futaaꞌie. Tamaka nandoo dua mugauno ambado, “Gao mani tametingke toha tana sepaku metula-tulaꞌao medano aitu.”

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

Tula-tulando rasulu 8:14

Miina naomponaa rasulu we Yerusalem dofetingkemo gahaꞌa miendo Samaria dotahimamo bhoasaono Lahataꞌala. Dadiꞌanomo dotudumo Petrus bhe Yohanes dakumala we naꞌa.

Roma 10:17

Dadiꞌanomo o kaparasaea nengkoha ne pofetingke, maka kafetingkeꞌa bhihita, mbaꞌinomo bhe mie mefoleleno bhoasaono Kristus.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

Galatia 4:14

Wakutuu anaꞌa hintimiu miina molampi tawa bansi kanauꞌomu, mahinggamo sakotuꞌuno sakino uluku naꞌa mbalimo kasabha bhalano so hintimiu. Tamaka ingka tahima kanauꞌomu tapedamo seemie malaꞌekatino Lahataꞌala tawa wutono Kristus Yesus.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Ibrani 4:2

Kapaꞌamo Bhihita Metaa ingka padamo dofolelee ne intaodiomu pedamo dua ne andoa. Ampamo kaowu Bhihita Metaa miina nakofahalaaꞌa so andoa hampano dofetingkee tamaka miina dapoangkafiane bhe kaparasaea.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Petrus 1:25

Tamaka bhoasaono Ompu sadaa-daa ampa suhue dhamani.” Ingka bhoasaomo aini o Bhihita Metaa toka nefosampe ne hintimiu.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

2 Petrus 3:2

Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.