1 Tesalonika 1:3 - Muna Southern Dialect

³ Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

1 Tesalonika 1:3 Iomraidhean Croise

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

Yohanes 15:10

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 16:6

Salam dua so Maria, kumahadhaa mobhieno so hintimiu.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 13:13

Dadiꞌanomo tamo tolu hondano ini ⸤ so nefintahakintoomu⸥ : o kaparasaea, o posahunaꞌao, bhe kanini kaasi; tamaka fofoliuꞌano o kanini kaasi.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

Galatia 1:4

Yesus Kristus nofotawakala wutono sampe dopongkoe mbali katolosino dhosantoomu, so namolapaꞌao intaodiomu maiꞌao ne dhamani modai ini. Habuno Kristus ini noangkafi kapoindalono Lahataꞌala Amantoomu.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

1 Tesalonika 3:6

Ampa aitu Timotius nosulimo we insaodi, neowa lele timoꞌiaꞌaono, leleno kaparasaea bhe kanini kaasimiu. Ambano dua hintimiu sadaa-daa feꞌulai metaa kainsamiomu, nokamba dua lalomiu poꞌawa kainsamiomu, pedamo dua kakambano lalo mani.

2 Tesalonika 1:11

Dadiꞌanomo sadhia tasambaheaꞌangkoomu, sio-siomo Lahataꞌala namabhi dadimiu naposahataa bhe kapoindalono, mantasiꞌanomo so mie toka nebhasino. Sio-siomo dua weo kuasano, Lahataꞌala namekakoꞌulaangkoomu patudhu metaamiu bhe namosangkaangkoomu sabhaha kahadhaano kaparasaeamiu.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

1 Timotius 2:3

Sambaheamo pedando aini metaaꞌano, poangkafiꞌano bhe kapoindalono Lahataꞌala, mosalamati kaitaomu.

Ibrani 10:36

Nofaraluu kosabaha potaamiomu neanomo namada dhumalangiomu kapoindalono Lahataꞌala, tetewei umawaeꞌomu nedhandiꞌaono.

Ibrani 11:17

Hampano kaparasaeano dua, Abraham nofoampe Ishak mbali kapopanga wakutuuno noꞌudhie Lahataꞌala. Abraham notahimaemo dhandino Lahataꞌala tamaka nohelasi dua nofoampe anano kaenseemie naꞌa mbali kapopanga nesumbele.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Ibrani 4:11

Dadiꞌanomo, ulei kaitaomu lalontoomu so damesuaꞌao we kafewuleꞌa nedhandiꞌaono Lahataꞌala naꞌa, keana bhe binasano hampano doangkafi sandahando mie pata meangkano endefiꞌini.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

1 Petrus 3:4

Tamaka kakesamiu tabeano namaiꞌao weo totono lalo, o kamalu bhe katohopono lalo. Aini saneamo lega pata mopoopulino, saneamo foliuno kaꞌali ne pomatano Lahataꞌala.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.

1 Yohanes 5:3

Kapaꞌamo ane doasiꞌao Lahataꞌala, maꞌanano doangkafi sabhaha pahintano, bhe pahintano Lahataꞌala miina naobhiea.

Powoha 2:19

Apandeꞌaane sabhaha kahadhaamiu, kanini kaasimiu, kaparasaeamiu, kaꞌondofaomiu bhe kakosabaha potaamiomu. Apandeꞌaane dua kahadhaamiu mbuhumai ini, nofoliuꞌe kabhahino kahadhaamiu kabhao-bhaono.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.