1 Petrus 5:9 - Muna Southern Dialect

⁹ Ewangieꞌomu, ewangianeomu kaparasaea motangka. Ingka pandeꞌaaneomu kosasawindo bhahitiemiu marasaeano ne Kristus te dhunia ini, saneamo dua kumadee-deeno peda hintimiu.

1 Petrus 5:9 Iomraidhean Croise

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

1 Korintus 10:13

Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

Efesus 4:27

koise melengka kasalawa so Kafeompuꞌando seetani naehabuangko dhosa.

Efesus 6:16

Weo ehe mengkohamiu sadhia pakeomu kaparasaeamiu ne Ompu so bentengikoomu, kanggetu ani bentengino mbadhamiu. Kapaꞌamo kaparasaeamiu namondoiꞌe nameoni sabhaha pana koefi maiꞌaono ne Kafeompuꞌando seetani.

Kolose 2:5

Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

1 Tesalonika 3:3

Ane nada anaꞌa, paise bhe so tiundano kaparasaea weo kasabhamiu ini. Ingka pandeꞌaaneomu kasabha ini nopesuamo dua weo patudhuno Lahataꞌala nefotantuno so intaodiomu.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

2 Timotius 3:12

Ingka daanumo kosasawindo mie dumadi lumebeno weo kaseꞌise bhe Kristus Yesus tetewei damodee-deeda.

2 Timotius 4:7

Idi ini ibahatino mie meangkafino pogoloꞌa dotende, apooli metaaꞌemo ampa hatoꞌano, kaparasaeaku ne Kristus sadaa-daa adhagani metaaꞌe.

Ibrani 11:33

Hampano kaparasaeando andoa detalo liwu neowando omputo, dedhalangi kaꞌadhili, dotahima nedhandiꞌaono Lahataꞌala, deꞌopi wobhano singa,

Ibrani 12:8

Ane hintimiu paise meꞌawaomu katangahi bhe kahukumu nada kosasawindo anaꞌino sigaoꞌano, nokomaꞌana hintimiu itu suano anaꞌi mpuu tamaka anaꞌi pata sumaha.

Yakobus 4:7

Dadiꞌanomo tuhuomu ne Lahataꞌala, ewangieꞌomu Kafeompuꞌando seetani maka tetewei namilei.

1 Petrus 1:6

Dadiꞌanomo fowulaeꞌomu lalomiu, mahinggamo ampa aitu nandoo noguguhu lalomiu sebantaha, mbaꞌinomo metompaloiꞌomu sabhaha kasabha bhe kasoba.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

1 Petrus 3:14

Tamaka mahinggamo kumadee-deeꞌomu hampano angkafiomu kapoindalono Lahataꞌala, ingka kodawuaꞌomu. Dadiꞌanomo koise moteꞌiomu ne laꞌae maka dua, koise tikendaomua.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 6:11

Andoa dowaꞌanda dhuba kapute setuwu seemie maka dopugauanda damewule tana sebantaha, ampa nakumapo kabhahino sabhangkaꞌindo weo kaꞌondofao bhe kabhahino bhahitieꞌindo, so nepongko peda dua andoa.

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.