1 Petrus 5:3 - Muna Southern Dialect

³ Koise habu wutomiu peda seemie kafeompuꞌa, tamaka membaliomu so sandahando umati.

1 Petrus 5:3 Iomraidhean Croise

Yohanes 13:15

Idi awaꞌangkoomu kasandaha neanomo mehabuomu dua peda nehabuku ne hintimiu.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

1 Korintus 11:11

Mahinggamo peda anaꞌa weo Ompu o hobhine nefaraluu moꞌane, o moꞌane nefaraluu hobhine.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

Filipi 3:17

Bhahitieꞌiku, mesandahaomu ne idi. Padamo tafotiwohaangkoomu sandaha metaa, dadiꞌanomo fotinda-tindaeꞌomu mie mesandahano ne insaodi ini.

Filipi 4:9

Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

1 Tesalonika 1:7

Dadiꞌanomo hintimiu membaliomu sandaha so kosasawindo marasaeano we kadieno Makedonia bhe Akaya.

2 Tesalonika 3:9

Tahabu peda amaitu, suano mbaꞌinomo miina takohakua takonisalo, tamaka tapoindalo taehabuangkoomu sandaha so neangkafimiu.

1 Timotius 4:12

Koise bhe misakiko mbaꞌinomo nandoo nohangku dadimu. Tamaka membalimo sandaha so neangkafindo mie marasaeano, weo pugaumu, weo podiumu, weo kanini kaasi ne mie bhaimu, weo kaparasaeamu ne Kristus Yesus bhe weo kangkilono dadimu.

Titus 2:7

Wutomumo so membalino sandahando weo habu metaa. Ane fofoinaꞌu, tabeano naelaa totono lalomu bhe kumampuu-mpuu,

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.