1 Petrus 5:12 - Muna Southern Dialect

¹² Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

1 Petrus 5:12 Iomraidhean Croise

Yohanes 21:21

Nowoha anoa maitu, Petrus nopugaumo ne Yesus ambano, “O ae bhahaa so netompaloino anoa ini?”

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

1 Korintus 15:1

Bhahitieꞌiku! Aitu ameꞌulaiangkoomu Bhihita Metaa kafosampeꞌaku ne hintimiu bhe netahimamiu. Bhihita Metaa aini ingka kaengkohaꞌanomo kaparasaeamiu.

2 Korintus 1:19

Hampano Yesus Kristus, Anano Lahataꞌala, miina sepaliꞌa napoibhahaa uumbe bhe paise, Anoa tanofokoꞌuumbemo. Anoamo ini toka nefebhihitaiꞌaondo Silas, Timotius bhe wutoku ne hintimiu.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

Efesus 6:21

Tikikus namai namohatoangkoomu bhahi-bhahiꞌae netompaloiku we ini. Tikikus ini bhahitientoomu timoasiꞌaono bhe kumampuu-mpuuno weo kaꞌondofao ne Ompu. Patudhuku neanomo mandeꞌaaneomu dua ngkoha-ngkohaku bhe kahadhaaku we ini.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

Kolose 4:7

Tikikus namai namohatoangkoomu bhahi-bhahiꞌae netompaloiku we ini. Tikikus ini bhahitientoomu timoasiꞌaono bhe kumampuu-mpuuno lalo, sabhangka mani weo kaꞌondofao ne Ompu.

Kolose 4:9

Anoa napobhaiane Onesimus saliwumiu. Anoa ini bhahitientoomu dua timoasiꞌaono bhe kumampuu-mpuuno lalo. Kohoduando damohatoangkoomu sabhaha kumadhadhiaꞌano we ini.

1 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus. Sio-siomo napobhaiangkoomu kabarakati bhe katohopono dadi.

2 Tesalonika 1:1

Suha aini nomaiꞌao ne insaodi Paulus, Silwanus bhe Timotius. Tapakatue so hintimiu umati we Tesalonika, umatino Lahataꞌala Amantoomu seꞌiseno bhe Ompu Yesus Kristus.

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

1 Petrus 4:10

Lahataꞌala nowaꞌangkoomu seemie-seemie kapooli poꞌala-alaꞌano. Dadiꞌanomo pake metaaꞌeomu so poꞌondo-ondofaoꞌomu. Ingka hintimiu mie nefoparasaeano Lahataꞌala tumahimano sabhaha katuno kadawuno.

2 Petrus 1:12

Kanandooꞌanomo patudhuku sadhia ameꞌulaiangkoeꞌomu bhahi-bhahiꞌae ini, mahingga pandeꞌaanemoomu bhe nomatangkamo koehemiu weo kabanara toka netahimamiu.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

3 Yohanes 1:12

Tamaka Demetrius, ingka kosasawindo umati dopudhie; daanumo ne dadino notiwohamo sepaliꞌa noangkafi kabanara. Insaodi tasakusiiane dua tapudhi habu metaano, maka ingka pandeꞌaane kasakusii mani ini nokotuꞌu.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.