1 Petrus 5:1 - Muna Southern Dialect

¹ Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

1 Petrus 5:1 Iomraidhean Croise

Lukas 24:48

Hintimiumo sakusii so mefoleleno bhihitano kadhadhia aini.

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 11:30

Kamafakando naꞌa dodhalangie maka dotudu Barnabas bhe Saulus damowa dhoi naꞌa we kamungkulaꞌindo umati marasaeano we Yudea.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 15:4

Sahatondo we Yerusalem dotahimadamo umati marasaeano, rasulu sigaoꞌano bhe kamungkulaꞌi. Pada anaꞌa detula-tulaandamo sabhaha nehabuno Lahataꞌala noangka ne limando.

Tula-tulando rasulu 15:6

Dadiꞌanomo rasulu bhe kamungkulaꞌi dohompumo dapugau-gauꞌao anaꞌa.

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Tula-tulando rasulu 20:17

Paulus netudu seemie namaiꞌao we Miletus nakumala we Efesus. Anoa noowili kamungkulaꞌindo umati marasaeano we kotano Efesus damai we Miletus.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 21:18

Hato nomentae, Paulus nopoowa-owamo bhe insaodi takalamo tapoꞌawaꞌao Yakobus. Kosasawindo kamungkulaꞌi dohatomo dua ne itu.

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Filipi 1:19

kapaꞌamo apandeꞌaane mbaꞌinomo sambaheamiu bhe katulumino Rohino Yesus Kristus damolapa kanau.

1 Timotius 5:1

Koise noꞌosa lalomu ne kamungkulaꞌi moꞌane, tamaka mefeꞌulaianda pototoanda bhe amamu. Moꞌane mohangkuꞌano dadi pototoanda bhe kakutaꞌamu.

1 Timotius 5:19

Koise metahima kasangkati ne seemie neangkando umati, ane pae bhe sakusiino dahodua totolu so mekamatangkae.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 1:5

Patudhuku ahunsako we witeno Kreta so mekataaꞌiꞌao pataꞌo tiꞌatoroꞌano. Patudhuku dua mesangke kamungkulaꞌi so neangkando umati ne seꞌonu-seꞌonu liwu, peda nefohatoꞌaoku kohaꞌanomo.

Filemon 1:9

Tamaka hampano kanini kaasi, koemo amahintangiko, naetaamo aesaloiko. Idi ini Paulus, akamungkulamo kaꞌasi, pakade atitohongku mbaꞌinomo kaparasaeaku ne Kristus.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

2 Yohanes 1:1

Suha aini nomaiꞌao ne idi, kamungkula neangkando umati so hintu, waꞌina nepilino Lahataꞌala bhe anaꞌino kamoasiꞌaoku mpuu. Suano kaowu idi moasiangkoomu, tamaka kosasawindo mie mandeꞌaono kabanarano Lahataꞌala, doasiangkoomu dua.

3 Yohanes 1:1

Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.