1 Petrus 3:11 - Muna Southern Dialect

¹¹ Habu modai tabeano naꞌumohoe maka nahumabu metaaꞌano; naeꞌondofi pometaa, naꞌumuleiꞌe lalono ampa naꞌumawae.

1 Petrus 3:11 Iomraidhean Croise

Matius 5:45

Kapaꞌamo nadamo aini so membaliꞌaoꞌomu anaꞌino Amamiu te surugaa. Anoa nofofoni oleono so mie modai bhe so mie metaa, nofosampu useno so mie banara bhe so mie pata banara.

Matius 5:9

Dokodawua mpuu meowano pometaa, kapaꞌamo dakumonada anaꞌino Lahataꞌala.

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Markus 14:7

Ingka o mie mokae sadhia deate bhe hintimiu, ane moindaloomu sadhia naembali tumulumidaomua. Tamaka Idi ini pae aeate kansuhua bhe hintimiu.

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Lukas 6:9

Pada aitu Yesus nopugaumo ne andoa ambano, “Ameenakoomu, weo tubhono agamantoomu nembali dehabu ae ne oleono Sabat? Habu metaa kaa habu modai? Dafofodadi kaa dafopongko?”

Yohanes 17:15

Idi miina aesalo malada maiꞌao ne dhunia ini, tamaka dhumaganida ne kuasa modai.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Roma 7:19

Miina ahumabu metaaꞌano nepatudhuiku, tamaka ahabu modaiꞌano tapa nepatudhuiku.

Roma 7:21

Kapuliaono aeala tubho peda aini: ane patudhuku ahumabu metaaꞌano, sadhia modaiꞌano tumangkumi kanau.

Roma 8:6

Fekihino manusia nekuasaino kapoindalono mbadha neowa mate, tamaka fekihi nekuasaino Rohino Lahataꞌala neowa dadi bhe katohopono lalo.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

1 Petrus 3:12

Kapaꞌamo matano Ompu noangkafi kansuhu mie banara, tingalano sandengi ne mie mekatondalano, tamaka nopoewangi bhe mie humabu modaino.”

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.