1 Petrus 2:8 - Muna Southern Dialect

⁸ Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

1 Petrus 2:8 Iomraidhean Croise

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

2 Korintus 2:16

Mbali mie so binasano insaodi ini tapedamo wonono bhangke meowano mate, tamaka mbali mie sumalamatino tapedamo wono mowondu meowano dadi. Kaowu laꞌae bhahaa so moolino taka bhalano pedando inia?

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

1 Tesalonika 5:9

Kapaꞌamo Lahataꞌala miina nafopili so nofokantibhaꞌao amaha, tamaka so daeꞌawaꞌao kasalamatiꞌa mangkaꞌano ne Yesus Kristus Ompuntoomu.

1 Petrus 2:6

Kapaꞌamo notibuhi weo Kitabi peda aini, “Padamo aepili sepoi kontu koharagaa, ahunsae te kabhawono Sion somo sandi bhalano. Sabhaha mie marasaeano ne Anoa paise nandidikiane lalondo.”

1 Petrus 2:7

Kontu anaꞌa nokoharagaa sepaliꞌa so hintimiu marasaeano, tamaka so mie tapa marasaeano nopokantibhamo bhe kabuhino Kitabi peda aini, “O kontu neꞌohondo mefelambuno, ingka nembalimo sandi bhalano.”

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.