1 Petrus 2:24 - Muna Southern Dialect

²⁴ Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 2:24 Iomraidhean Croise

Matius 27:26

Pada aitu gubernur nofolimbaandamo Barabas, tamaka Yesus dohambisiane habuta maka nowaꞌandae dakumantaiꞌe te sau salipu.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.

Matius 8:17

Kadhadhia aini mbalimo nokoꞌulaꞌao bhoasaono Lahataꞌala nefosampeno anabii Yesaya peda aini, “Anoamo sumodano sakintoomu, wowoꞌonomo dua kadaino namisintoomu.”

Markus 15:15

Panda-pandano Pilatus nofolimbamo Barabas doꞌiaꞌao kaowu mie bhahi maitu. Pada aitu Yesus dohambisianemo habuta maka nowaꞌandae dakumantaiꞌe te sau salipu

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Yohanes 19:1

Pada anaꞌa Pilatus nowowoꞌomo Yesus maka netudumo mie dahumambisiane habuta.

Tula-tulando rasulu 10:35

Mieno liwu ae maka, mahingga Yahudi mahingga suano Yahudi, sumanomo noteꞌi ne Lahataꞌala bhe nehabu metaaꞌano, tetewei natumahimae Lahataꞌala.

Tula-tulando rasulu 10:39

Insaodimo ini sakusiino sabhaha nehabuno we witeno Yudea bhe we Yerusalem, tamaka dopongkoe, dokantaiꞌe te sau salipu.

Tula-tulando rasulu 13:29

Nopalusi dofekakoꞌulae sabhaha tibuhiꞌano weo Kitabi mulaoꞌaono Yesus naꞌa, maeatino dofosampuemo maiꞌao te sau salipu maka dofondolee weo kobuhu.

Tula-tulando rasulu 5:30

Yesus maitu pongkoeꞌomu, kantaiꞌeomu te sau salipu, tamaka Ompu Lahataꞌalando awuantoomu nofowanue nomaiꞌao ne mate.

Roma 6:11

Dadiꞌanomo abhi wutomiu momatemoomu maiꞌao ne kuasano dhosa, tamaka dadimoomu so Lahataꞌala weo kaseꞌisemiu bhe Kristus Yesus.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

Roma 6:16

Miina mandeꞌaaneomua gahaꞌa, ane doowa wutondo ne seemie manusia so dadhumalangiꞌao kapoindalono, ingka dembalimo bhatuano mie neangkafi maitu; bheanea dembali bhatuano dhosa meowano mate, bheanea dembalimo bhatua meangkano ne Lahataꞌala, meowano katitahimaꞌanto peda mie banara.

Roma 6:2

Ingka teteweimo paise! Ingka o dhosa miinamo nafokuasaia, tapedamo mie mate ⸤ miinamo dakodhosaa⸥ . Dadiꞌanomo nada amai dua dadumadiomu kansuhu weo dhosa?

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Roma 6:7

Kapaꞌamo laꞌae momateno, ingka nobebasimo maiꞌao ne dhosa.

Roma 7:6

Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

2 Korintus 6:17

“Dadiꞌanomo, bhoasaono Ompu, limbaomu maiꞌao ne olotando itu, gaatiomu wutomiu maiꞌao ne andoa itu; koemo medampasiomu giu timohakuno, maka atumahimakoomu.”

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Kolose 2:14

Hampano miina damangkafiomu pahintano Lahataꞌala, nandoo fomobhieꞌaono bhe fonantiꞌaono, tapedamo buhino dosa. Gahaꞌa bhahi-bhahiꞌae naꞌa nofosaliemo Lahataꞌala, kanggetumo o suha anaꞌa nokantaiꞌemo te sau salipu sampe sabhaha nemobhieꞌao nowolomo.

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Kolose 3:3

Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

Ibrani 10:5

Kanandooꞌanomo wakuutuno Kristus nopesua ne dhunia ini, nopugaumo ⸤ ne Lahataꞌala⸥ , “Hintu miina moindaloe kafoampe bhe kapopanga nesumbele, tamaka padamo mefotoka kanau mbadhaku.

Ibrani 12:13

Fekalaaꞌe kaangkaꞌano aꞌemu, neanomo aꞌemu mokempano itu paise natokulepea.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

1 Yohanes 3:7

Anaꞌiku! Koise kaangka-angkaomu ne mie so mekakolilinono totono lalomiu. Mie dhumalangino kapoindalono Lahataꞌala, anoamo itu mie banara, pedamo wutono Kristus nobanara.

Powoha 22:2

noangka ne wuntano kabhongkano kota amaitu. Ne kohaawetaꞌae wiwino umele notumbu puꞌuno sau meowano dadi. Sau aitu nokobhake ompulu haa paku, sepaku sewula; hoono dopakee mbali kaefekaꞌuhiꞌa sabhaha bansano liwu.