1 Petrus 2:19 - Muna Southern Dialect

¹⁹ Ane ne olotamiu nandoo nefodee-dee tamaka miina dakokaꞌalaa, naetaa tadasumabahamo datumongku kakadee-dee anaꞌa, hampano dofeꞌulai Lahataꞌala. Ane humabuomu peda naꞌa, ingka fekaꞌiamoomu lalono Lahataꞌala.

1 Petrus 2:19 Iomraidhean Croise

Lukas 6:32

Ane moasiꞌao kaowu mie moasiangko, o ae gahaꞌa so tipudhiꞌano? Ingka mahingga mie kodhosa doasiꞌao dua mie moasianda.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Roma 13:5

Kanandooꞌanomo intaodiomu nofaraluu datumuhu ne pamarinta, suano kaowu mbaꞌinomo dokiido daeꞌawa kahukumu, tamaka hampano doangkafi dua totono lalo kumatanga-tangano.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 8:1

Bhahitieꞌiku, tamohatoangkoomu dua kataano lalono Lahataꞌala ne tombu-tombudo umati we kadieno Makedonia.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Ibrani 10:2

Kapaꞌamo ane ibahano naembali, ingka tantumo dametumpumo daefoampe kapopanga. So kafetumpuꞌando hampano paemo danumamisi wutondo dokodhosa mbaꞌinomo ingka padamo dofekangkiloda sepaku ampa suhue dhamani.

1 Petrus 2:20

O ae bhahaa kapudhiano ane potaamiꞌao kakadee-dee mbaꞌinomo kokaꞌala? Tamaka ane humabu metaaꞌomu maka potaamiꞌao kakadee-deemiu, ingka fekaꞌiamoomu lalono Lahataꞌala.

1 Petrus 4:15

Koise bhe naseemie ne olotamiu itu so kumadee-deeno mbaꞌinomo nofopongko, tawa nosibu, tawa mie modai, tawa mie mesampuruno urusuno mie bhaindo.