1 Petrus 2:17 - Muna Southern Dialect

¹⁷ Fosibhaladaomu kosasawindo mie, moasiandaomu bhahitieꞌimiu, moteꞌiomu ne Lahataꞌala, fosibhalaomu Omputo Kaisar.

1 Petrus 2:17 Iomraidhean Croise

Matius 22:21

Dotobhoosi ambado, “Ula bhe neano Omputo Kaisar.” Ambano toha Yesus, “Bahangka peda naꞌa, fehebuaꞌano Omputo Kaisar waꞌaneomu Omputo Kaisar, fehebuaꞌano Lahataꞌala waꞌaneomu Lahataꞌala.”

Yohanes 13:35

Ane pomoa-moasiꞌaoꞌomu, kosasawindo mie damandeꞌaane putae hintimiu anaguhuku.”

Roma 12:10

Mpuu-mpuunieꞌomu pomoni-pominiꞌao peda mie sibhahi-bhahitieno; fosibhalaomu mie bhaimiu nalumiuꞌe kafosibhala ne wutomiu.

Roma 13:7

Dadiꞌanomo tanduaꞌaneomu sabhaha maraluuꞌano so netanduaꞌao ne laꞌae maka dua. Tanduaꞌao sewa ne kohakuno metahimano sewa, tanduaꞌao dua sabhaha ulano sewa sigaoꞌano ne kohakuno tumahimae. Mihikidaomu mie maraluuꞌano nemihiki, fosibhaladaomu mie maraluuꞌano nefosibhala.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Efesus 5:21

Potuhu-tuhupiomu hampano kafosibhalamiu ne Kristus.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

1 Timotius 6:1

Miendo sarani membalino bhatua, tabeano namabhi kafeompuꞌano mie mantasino meꞌawano kafosibhala, keana neano Lahataꞌala bhe kafoinaꞌuntoomu damekaꞌaebue mie.

Ibrani 13:1

Naetaa sadhia pomoni-moniniꞌaoꞌomu peda mie pobhahi-bhahitieno!

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:13

Hampano kafosibhalamiu ne Lahataꞌala, tuhuomu ne sabhaha mintahano kuasa ne olotano manusia. Tuhuomu ne Omputo Kaisar, mintahanomo pahinta foliuno kalangke.

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”