1 Petrus 1:8 - Muna Southern Dialect

⁸ Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

1 Petrus 1:8 Iomraidhean Croise

Matius 10:37

Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

Yohanes 14:21

Sasuka mintahakino pahintaku bhe nodhalangie, anoamo itu moasi kanau. Sasuka moasi kanau naoasiane dua Amaku, o Idi aoasiane dua maka amotiwoha Wutoku ne anoa.”

Yohanes 14:24

Sasuka tapa moasi kanau, paise dua namangkafi wambaku. Gahaꞌaitumo wamba nefetingkemiu itu suano wambaku Wutoku, tamaka wambano Amaku tumudu kanau.

Yohanes 16:22

Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa.

Yohanes 20:29

Ambano Yesus, “Hampano padamo woha kanau hintu parasaea. Dokodawua mpuu mie tapa moha kanau tamaka doparasaea.”

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Tula-tulando rasulu 16:34

Pada peda naꞌa nowowoꞌodamo se lambuno maka neꞌondofianda dohumaa. Kaꞌiano maka mbaꞌinomo anoa bhe kosasawindo mie weo lambuno doparasaeamo ne Lahataꞌala.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

1 Korintus 16:22

Laꞌae pata moasiꞌaono Ompu, nobalaamo! Maranata!

2 Korintus 1:22

Padamo dua nokatanda kaita mbali fehebuaꞌano. Anoamo dua fowaꞌaono Rohino weo totono lalontoomu, somo kafekantoono dhandino ⸤ putae tetewei mada kaowu daꞌumawae kosasawiꞌae nedhandiꞌaono⸥ .

2 Korintus 4:18

Insaodi miina taoheruao tiwohaꞌano tamaka tapa tiwohaꞌano, hampano tiwohaꞌano ingka sekabantaha kaowu, tamaka tapa tiwohaꞌano nonandoo ampa suhue dhamani.

2 Korintus 5:7

Hampano dadi mani nengkoha ne kaparasaea, suano mbaꞌinomo tawohaꞌao wuntano mata mani.

2 Korintus 9:15

Foampe kaitaomu katumpuno lalo ne Lahataꞌala hampano kawaꞌaono pata tikiha-kihano!

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

Filipi 1:25

Aparasaea mpuu bhe apandeꞌaanemo putae nandoo sumadaa-daa aeate bhe hintimiu, neanomo sadhulu-dhulu katangkano kaparasaeamiu bhe kawulano lalomiu.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Ibrani 11:1

Doparasaea maꞌanano nokampuu-mpuu totono lalo dofintahaki putae neposahunaꞌao tetewei nakoꞌula, maꞌanano dua dopandeꞌaane mpuu giu pata tiwohaꞌano kotu-kotuꞌu nonandoo.

Ibrani 11:27

Hampano kaparasaeano, Musa nohunsa witeno Mesir, miina naoteꞌia ne amahano omputo. Musa notangka mpuu nofintahaki patudhuno, kao-kaomo nowoha Lahataꞌala tapa tiwohaꞌano.

1 Petrus 1:6

Dadiꞌanomo fowulaeꞌomu lalomiu, mahinggamo ampa aitu nandoo noguguhu lalomiu sebantaha, mbaꞌinomo metompaloiꞌomu sabhaha kasabha bhe kasoba.

1 Petrus 2:7

Kontu anaꞌa nokoharagaa sepaliꞌa so hintimiu marasaeano, tamaka so mie tapa marasaeano nopokantibhamo bhe kabuhino Kitabi peda aini, “O kontu neꞌohondo mefelambuno, ingka nembalimo sandi bhalano.”

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.