1 Petrus 1:6 - Muna Southern Dialect

⁶ Dadiꞌanomo fowulaeꞌomu lalomiu, mahinggamo ampa aitu nandoo noguguhu lalomiu sebantaha, mbaꞌinomo metompaloiꞌomu sabhaha kasabha bhe kasoba.

1 Petrus 1:6 Iomraidhean Croise

Matius 11:28

Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo.

Matius 26:37

Petrus bhe kohoduaꞌindo anano Zebedeus, nowowoꞌoda. Notandamo ne itu nokompeaha sepaliꞌa lalono bhe nokakenda-kenda handano.

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Lukas 1:47

noꞌia totono laloku hampano Lahataꞌala Mosalamati kanau,

Lukas 10:20

Ampamo kaowu koise moꞌiaꞌomu mbaꞌinomo seetani doangkafi pahintamiu, tamaka fowula lalomiu hampano neamiu notibuhimo te surugaa.”

Lukas 2:10

Nopugaumo malaꞌekati anaꞌa ambano, “Koise moteꞌiomua, kapaꞌamo amohatoangkoomu bhihita metaa, so kaowulaꞌano lalondo kosasawindo mie.

Yohanes 16:22

Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Roma 5:11

Suano kaowu taꞌanaꞌaa. Nowula dua lalontoomu mbaꞌinomo nehabuno Lahataꞌala mangkano ne Ompuntoomu Yesus Kristus, hampanomo Anoa intaodiomu dopometaa bhe Lahataꞌala ampa aitu.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Roma 9:2

⸤ Patudhuku peda aini.⸥ Nokompeaha sepaliꞌa laloku, totono laloku sadhia noguguhu.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Filipi 2:26

So katifosuliꞌano, mbaꞌinomo nokambamo sepaliꞌa lalono ne kosasawimiu, nosabhamo bhe handano kapaꞌamo fetingkeomu nosaki.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

Yakobus 1:9

Bhahitieꞌi ndidikino dumadino weo kakae, naetaa daoꞌia kapaꞌamo weo pomatano Lahataꞌala nelangke kaengkohaꞌando.

Yakobus 4:9

Sosoane mpuu kadaino diumiu, mopeaꞌane bhe mekangkoꞌaeane. Futaamiu naetaa lumoliane kaꞌae, kaꞌiamiu naetaa lumoliane kaguguhu.

1 Petrus 3:17

Ane kapoindalonomo Lahataꞌala dakumadee-dee, ingka netaa dokadee-dee hampano dohabu metaa, bhe dokadee-dee hampano dohabu modai.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.