1 Petrus 1:5 - Muna Southern Dialect

⁵ Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

1 Petrus 1:5 Iomraidhean Croise

Yohanes 12:48

Sasuka mokiido kanau bhe miina natumahima kafoinaꞌuku, nandoomo so humukumue. Wambakumo toka nepugauꞌao naꞌa, somo humukumue ne Oleono Kiama.

Yohanes 17:15

Idi miina aesalo malada maiꞌao ne dhunia ini, tamaka dhumaganida ne kuasa modai.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Roma 11:20

Uumbe, anoamo dua. Tamaka katilobhiꞌando mbaꞌinomo miina damarasaea, hintimiu kanandooꞌanomo pikaomu ne itu hampano kaparasaeamiu. Dadiꞌanomo koise nelangke diumiu, tamaka moteꞌiomu!

Roma 8:18

Aparasaea mpuu, sabhaha kakadee-dee netompalointo ne dhamani aini pae sepaliꞌa napobandingia bhe kakalabhia pataꞌo tiwohaꞌano so neꞌawantoomu mada kaowu.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

2 Timotius 3:15

Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

2 Petrus 1:3

Lahataꞌala nopakemo kuasa Kaseemie-mieꞌano, nowaꞌa kaita sabhaha maraluuꞌano so dadumadi lumebeꞌao. Kafowaꞌaoꞌano hampano dopandeꞌaanemoomu Kristus, Anoamo fobhasino so daealaꞌao dawu weo kakalabhiano bhe kataano lalono.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.