1 Petrus 1:4 - Muna Southern Dialect

⁴ Intaodiomu doposahunaꞌao sepaliꞌa daeꞌawa kadawu nefontaa-ntaano Ompu so umatino. Kadawu nehunsa-hunsano te surugaa maitu pae nabinasaa, pae naohakua bhe pae naleleua.

1 Petrus 1:4 Iomraidhean Croise

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Markus 10:17

Wakutuuno Yesus noehe nakumala toha, gahaꞌa nomaimo seemie bhe notende. O mie aitu nofongkoha tuuno ne wiseno Yesus bhe nofeena ambano, “Guru, hintu metaano lalo, aeafa bhahaa so adumadiꞌao suhue dhamani?”

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

1 Korintus 9:25

Sasuka mie so meangkafino potandingiꞌa tabeano nokane-kanea mbadhano bhe nopooli nofewanaki totono lalono. Aini dodhalangie so kaowu daeꞌawaꞌao kawaꞌao so fotalono, ingka o kataheno kamba-kamba pikimoleuno. Tamaka intaodiomu dodhalangi bhahi-bhahiꞌae naꞌa so daeꞌawaꞌao kawaꞌao so pata molooleuno ampa suhue dhamani.

Galatia 3:18

Ane kabarakati newaꞌaono Lahataꞌala nengkoha ne dhalangiꞌano tubhono agama Yahudi, ingka suanomo kawaꞌao nedhandiꞌaono. Tamaka weo rahamatino Lahataꞌala, Abraham nowaꞌane kabarakati hampano padamo nopodhandiane.

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

Efesus 1:14

Rohino Lahataꞌala ini kafekantoono dhandino Lahataꞌala putae tetewei namada kaowu daꞌumawae kosasawiꞌae nedhandiꞌaono. Aini nofekatangka dua kaparasaeantoomu, ingka intaodiomu fehebuaꞌano Lahataꞌala ini, kotu-kotuꞌu dabebasi ⸤ maiꞌao ne kuasano dhosa⸥ . Pudhi kaitaomu Lahataꞌala hampano kakalabhiano!

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Kolose 1:12

Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Kolose 3:24

Ingka pandeꞌaanemo mada kaowu metahimaomu ponambo maiꞌao ne Ompu. Ponambomiu naꞌa o kadawu toka nefontaa-ntaano Ompu so umatino. Kapaꞌamo kafeompuꞌa sakotuꞌuno neꞌondofaomiu ingka wutono Kristus, hintimiu o bhatuano.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Ibrani 9:15

Kanandooꞌanomo Kristus nembalimo Poatoꞌaono podhandiꞌa buꞌou, neanomo mie toka nebhasino Lahataꞌala daeꞌawa sabhaha kadawu suhue dhamani peda nedhandiꞌaono Lahataꞌala. Bhahi-bhahiꞌae maitu nokadhadhia hampano bhe mateno, ⸤ ingka wutono Kristus,⸥ maka o matemo amaitu mobebasino manusia maiꞌao ne sabhaha kaꞌala nehabundo wakutuuno podhandiꞌa kabhao-bhaono.

Yakobus 1:11

Nofoni oleo bhe nosodo kaowu tilangano, kamba-kamba noleleumo, kambeano notantamo, kakesano nosalimo. Nadamo aitu mie hangkaea, naosali ne wunta-wuntano sabhaha kagiuno.

1 Petrus 3:9

Kadai koise bhoosianeomu kadai, feꞌawu koise tobhoosianeomu feꞌawu, tamaka mesaloomu kabarakatino Lahataꞌala so mie aitu. Kapaꞌamo dadimo medano aitu katibhasiꞌamiu, somo meꞌawaꞌaoꞌomu kabarakati.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

Powoha 21:27

Tamaka pae bhe giu moharamu so mesuaꞌano weo kota, tawa mie mehabuno timohakuno, tawa mie kopahano, mpahinomo andoa tibuhino nea weo Kitabindo Mie Dumadi, kitabinomo Anano Dhumba.