1 Petrus 1:25 - Muna Southern Dialect

²⁵ Tamaka bhoasaono Ompu sadaa-daa ampa suhue dhamani.” Ingka bhoasaomo aini o Bhihita Metaa toka nefosampe ne hintimiu.

1 Petrus 1:25 Iomraidhean Croise

Matius 5:18

Amohatokoomu, kotu-kotuꞌu ane lani bhe dhunia paeꞌo naosalia, bhe nasehorofu tawa setanda tubhono agama Yahudi pae dua bhe so mosaliꞌano, ampa kosasawiꞌae nakoꞌula.

Lukas 16:17

Tamaka nandoo nomuda naosali lani bhe dhunia bhe nabatala nasetanda buhi weo Kitabino Musa.

Yohanes 1:1

Pakatandano ⸤ miinaꞌo nandumandoo dhunia,⸥ nekonando Bhoasao nonandoomo. Bhoasao amaitu nopobhai bhe Lahataꞌala. Bhoasao amaitu nopototo bhe Lahataꞌala.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

1 Korintus 2:2

Kapaꞌamo tokamo abhotusie kaomponano bhe hintimiu paise amohatoangkoomu sigaoꞌano, mpahinomo bhihitano Yesus Kristus, Anoamo mateno te sau salipu.

Efesus 2:17

Kristus nomai neowa Bhihita Metaano pometa-metaaꞌa, naetaa ne hintimiu mie suano Yahudi mokodoꞌono bhe Lahataꞌala, naetaa ne miendo Yahudi momaꞌono bhe Lahataꞌala.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Titus 1:3

Ne wakutuu toka nefotantuno, Lahataꞌala nofekakoꞌulaemo dhandino naꞌa weo bhoasaono, ⸤ o Bhihita Metaa⸥ . Foleleꞌano Bhihita Metaa aini noposahunaꞌa kanaꞌemo idi, nopoangkafi bhe pahintano Lahataꞌala Mosalamati kaita.

Ibrani 6:5

Padamo dua dofenami kataano bhoasaono Lahataꞌala, bhe denamisimo kuasa maiꞌao ne dhunia mbuhumai.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

2 Petrus 1:19

Dadiꞌanomo sedhuluꞌa kamatangkano tafintahaki putae bhoasaono Lahataꞌala nekosuahaꞌaondo ana-anabii daanumo nentoo. Naetaa mpuu umondofaaneomu bhoasao anaꞌaa, kapaꞌamo nokotilanga pedamo kantalea we mohohondoꞌano. Tilanga aitu ondo-ondoeꞌomu kansuhu, ampa nahumaha kamentae maka o kowine nakotilanga weo totono lalomiu.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

Powoha 14:6

Taꞌawohamo dua malaꞌekati sigaoꞌano nelola-lola te wuntano lani. Anoa newowoꞌo Bhihita Metaa suhue dhamani so namolele ne mie meateno we dhunia, ne sabhaha bansano liwu, sabhaha sampuꞌa, sabhaha wamba bhe sabhaha siwulu.