1 Petrus 1:17 - Muna Southern Dialect

¹⁷ Weo sambaheamiu, Lahataꞌala konaeꞌomu Amamiu. Ingka Anoamo so fobhotusino tanamangka-angka habundo manusia seemie-seemie, pae napoꞌala-alaandaa. Dadiꞌanomo tinangke nandoo butuomu we dhunia ini, fosibhalaeꞌomu mpuu Lahataꞌala.

1 Petrus 1:17 Iomraidhean Croise

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 22:16

Dotudumo anaguhuꞌindo dapoowa-owa bhe mieno kolaki Herodes dofeena ne Yesus ambado, “Guru, tapandeꞌaane nelaa lalomu. Weo kalaano lalomu fofoinaꞌuꞌao sala metaano Lahataꞌala so manusia. Miina koniengatia, hampano miina poꞌala-alaanda manusia.

Matius 6:9

Dadiꞌanomo sambaheaꞌomu nada aini, ‘Ama mani te surugaa, notifosibhalaꞌo toha neamu.

Roma 11:20

Uumbe, anoamo dua. Tamaka katilobhiꞌando mbaꞌinomo miina damarasaea, hintimiu kanandooꞌanomo pikaomu ne itu hampano kaparasaeamiu. Dadiꞌanomo koise nelangke diumiu, tamaka moteꞌiomu!

2 Korintus 1:2

Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

2 Korintus 5:6

Dadiꞌanomo sadhia notangka totono lalo mani, tapandeꞌaane putae ane nandoo deate ne mbadha kasara ini, ingka dokodoꞌo bhe Ompu.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

2 Korintus 7:11

Ondoomu itu, neowaangkoomu ae bhahaa kakompeahano lalo poangkafiꞌano bhe kapoindalono Lahataꞌala? Ingka kakampuu-mpuuno lalo, nembalimo dua potunduꞌao wutomiu, mohakuemoomu o dhosa, moteꞌimoomu ne Lahataꞌala, nokambamo lalomiu moha kanauꞌomu, nokaꞌende-endemo totono lalomiu, undamoomu mebhotusiomu kokaꞌalano. Ne kosasawiꞌae ini ingka fotiwohaemoomu miina kokaꞌalaomu.

Galatia 2:6

Mahingga tanada amaimo, mie nefokamungkula weo umati maitu miina damosuhu kanau aetubhahi atora buꞌou weo kafoinaꞌuku. Andoa naꞌa akonada mie nefokamungkula weo umati, tamaka weo namisiku mie nefokamungkula bhe suano tanopototomo, kapaꞌamo Lahataꞌala miina naepoꞌala-alaꞌao mie.

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

Efesus 3:14

Hampanomo kosasawiꞌae ini, afongkoha tuuku asambahea ne wiseno Amantoomu.

Efesus 6:9

Hintimiu membalino kafeompuꞌa, habuomu dua nada naꞌa ne bhatuamiu. Koise sadhia kateꞌifidaomu. Tandaiꞌeomu hintimiu bhe bhatuamiu nopototo kafeompuꞌamiu, seemie kaowu te surugaa. Anoa maitu miina naepoꞌala-alaꞌao manusia.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Kolose 3:25

Laꞌae kokaꞌalano, natumongkuꞌao wutono kaꞌalano, kapaꞌamo Ompu miina naepoꞌala-alaꞌao manusia.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.