1 Korintus 9:8 - Muna Southern Dialect

⁸ Pugauku ini suano kaowu nomaiꞌao ne fekihindo manusia, kapaꞌamo ingka weo tubhono agama Yahudi notibuhi dua peda anaꞌa.

1 Korintus 9:8 Iomraidhean Croise

Roma 3:31

Ane peda naꞌa bhahaa nokomaꞌana hampano doparasaea kaowu ne Yesus Kristus, doꞌohoemoomu tubhono agama Yahudi? Ingka miina! Bhahamoa tanodhulu dofosibhalae.

Roma 3:5

Tamaka ane kaꞌadhilino Lahataꞌala sedhuluꞌa kantaleano hampano habu modaintoomu, kaowu damugauꞌomu nada amai bhahaa? (Pugauku ini aangkafi kaowu fekihindo manusia.) Bhahaa damugau putae Lahataꞌala miina naꞌumadhilia ane namondawu kaita kahukumuno?

Roma 6:19

Kaesambiliꞌaku bhatua, aesandaha kaowu ne dadindo manusia seꞌo-seꞌoleo, kapaꞌamo nomahasai melosangiomu. Endefiꞌini ingka owaomu katokano mbadhamiu membaliomu bhatuano sabhaha diu timohaku bhe patudhu modai meowano kadai. Tamaka ampa aitu owaomu katokano mbadhamiu membaliomu bhatua so mehabuno kabanara meowano dadi mongkilo.

1 Korintus 14:34

o hobhine koemo dokadiu-diua weo hompuꞌando umati. Andoa miina daꞌumundaꞌaanda dakosuahaa. Andoa tabeano tadatumuhu peda nekowambaꞌaono dua Kitabino Musa.

1 Korintus 7:40

Tamaka fekihiku, sedhuluꞌa dua kakodawuano ane pae nagumaa toha. Fenaiku fekihiku ini nomaiꞌao dua ne Rohino Lahataꞌala netahimaku.

Galatia 1:11

Bhahitieꞌiku, gaoku mandeꞌaaneomu mpuu, Bhihita Metaa nefoleleku ini suano bhihita maiꞌaono ne fekihindo manusia.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.