1 Korintus 9:19 - Muna Southern Dialect

¹⁹ Idi ini o mie bebasi, suano bhatuando manusia. Ampamo kaowu afobhatua wutoku ne kosasawindo mie, neanomo sedhuluꞌa dua kabhahindo mie so neowaku ne Kristus.

1 Korintus 9:19 Iomraidhean Croise

Matius 18:15

“Ane bhahitiemu nakokaꞌala, tangahie hoduaꞌomu kaowu; ane nametingke katangahimu, ingka pooliemo, sulimo nembali bhahitiemu.

Roma 1:14

Kapaꞌamo idi ini teteweimo aefolele Bhihita Metaa, tapedamo mie kodosano. Akodosa naetaa ne bansano liwu koꞌadhatino, naetaa ne tapa koꞌadhatino, naetaa ne mie kosikolano, naetaa ne tapa kosikolano.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 10:29

Nepulaoꞌaoku suano totono lalomiu, tamaka totono lalono mie mohatokoomu itu. ⸤ Bheanea bhe so meenano dua,⸥ “Noafa bhahaa kabebasiku tabeano dotieneane dua totono lalondo mie bhaiku?

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Korintus 7:16

Hintu hobhine, nada amai mandeꞌaane bhahaa putae moꞌanemu pataꞌo marasaeano maitu pae mosalamatie? Pedamo dua hintu moꞌane nada amai mandeꞌaane bhahaa putae hobhinemu pataꞌo marasaeano maitu pae mosalamatie?

1 Korintus 9:1

Suano mie bebasia gahaꞌa idi ini? Suano dua rasulu gahaꞌa idi ini? Idi kunaꞌekumo padamo dua apowoha bhe Yesus Ompuntoomu. Ingka kunaꞌekumo hintimiumo itu hasilino akahadhaa so Ompu.

2 Korintus 12:14

Sakotuꞌuꞌano ampa aitu tolu pakumo amantaa-ntaa amai we hintimiu itu, tamaka akiido amewowoꞌonikoomu. Kapaꞌamo suano fehebuaꞌamiu neꞌondofiku tamaka wutomiu. Ingka suano anaꞌi meꞌondofino kadadiꞌa so kamungkulano, tamaka o kamungkula meꞌondofino kadadiꞌa so anaꞌino.

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

Galatia 5:1

Kristus padamo nofobebasi kaita, neanomo intaodiomu kotu-kotuꞌu dabebasiomu. Dadiꞌanomo ehe fekatangkaomu, koise undaomu sumuli dakumuhumakoomu so bhatuano tubhono agama Yahudi.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

1 Petrus 3:1

Pedamo dua hintimiu hobhineꞌi, tuhuomu ne moꞌanemiu, neanomo ane nandoo ne olotando moꞌaneꞌi maitu tapa marasaeano ne bhoasaono Lahataꞌala, podiu metaamiu somo damarasaeaꞌao, mahinggamo pae metula-tulaomu.