1 Korintus 8:6 - Muna Southern Dialect

⁶ tamaka so intaodiomu ampamo Lahataꞌala Kaseemie-mieꞌano, Amantoomu. Anoamo mokonandoono bhahi-bhahiꞌae, dadintoomu somo dua Anoa. So intaodiomu Ompu seemie-mieno dua, Yesus Kristus. Noangka ne Anoa bhahi-bhahiꞌae dofokonandooꞌe, hampanomo dua Anoa kadadiꞌantomoomu.

1 Korintus 8:6 Iomraidhean Croise

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Yohanes 1:10

Bhoasao amaitu nonandoomo we dhunia; dhunia nofokonandooꞌe Lahataꞌala noangka ne Anoa, tamaka dhunia miina namandeꞌaanea.

Yohanes 1:3

Sabhaha ndumandoono nofokonandooꞌe Lahataꞌala noangka ne Anoa. O ae maka dua nefokonandoo, kanandooꞌano noangka ne Anoa.

Yohanes 10:30

Idi bhe Amaku taseꞌise.”

Yohanes 13:13

Hintimiu kona kanauꞌomu guru bhe Ompu, ingka anoamo naꞌa, kapaꞌamo Idimo ini guru bhe Ompu.

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Tula-tulando rasulu 17:28

Kapaꞌamo intaodiomu ini dodadi, dokodiu bhe donandooꞌomu ne dhunia ini hampano kuasano Lahataꞌala. Aini noposahataa dua bhe nekosuahaꞌaondo pande buhimiu, ambado, ‘Intaodiomu ini saneamo dua sampuꞌano Lahataꞌala.’

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Roma 11:36

Kapaꞌamo bhahi-bhahiꞌae nomaiꞌao ne Anoa, nonandoo hampano Anoa, bhe nasumuli dua ne Anoa. Notifosibhala mpuu Lahataꞌala ampa suhue dhamani! Amin.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

1 Korintus 12:3

Dadiꞌanomo naetaa amohatokoomu putae o manusia neatono Rohino Lahataꞌala paise bhe kapoolia nabhatataꞌiao Yesus. Pedamo dua aitu miina bhe manusia so pugauno putae Yesus maitu o Ompu ane pae namatoe Rohino Lahataꞌala.

1 Korintus 6:13

Nandoo dua mugauno o oti so iꞌino handa, o handa so kaeateꞌano oti, tamaka ingka kohaahondaꞌae ini sanea namosalie Lahataꞌala. Mbadhando manusia paise naembalia damakee so dapokawite-witeꞌao tamaka so daꞌumondofaoꞌao Ompu, bhe Ompu umondofaono mbadhando manusia.

1 Korintus 8:4

Pokaiꞌano bhe humaaꞌano oti toka nepopanga ne barahala saꞌituini, ingka dopandeꞌaanemoomu sakotuꞌuꞌano miina bhe barahala ne alamu ini, dopandeꞌaanemoomu dua Lahataꞌala Kaseemie-mieꞌano, miina bhe sigaoꞌanoa.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Efesus 3:14

Hampanomo kosasawiꞌae ini, afongkoha tuuku asambahea ne wiseno Amantoomu.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.