1 Korintus 7:31 - Muna Southern Dialect

³¹ bhe mie mepakeno kanandoono dhunia ini dadumadi kao-kaomo miina datitapu ne kanandoo anaꞌa. Kapaꞌamo dhuniantoomu ampa aini kaowu naosalimo.

1 Korintus 7:31 Iomraidhean Croise

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

1 Korintus 7:29

Patudhuku peda aini: tempono dhamani aini tamo seendai. Dadiꞌanomo ne katumpono wakutuu aini mie kohobhineno naetaa nadumadi kao-kaomo miina bhe hobhineno;

1 Korintus 7:30

moꞌaeno dadumadi kao-kaomo miina daoꞌaea, moꞌiano dadumadi kao-kaomo miina daoꞌiaꞌa, mie toka bhalandano kao-kaomo miina datumahima neꞌolindo,

1 Korintus 9:18

Kaowu o ae bhahaa so ponamboku? Ingka pedamo aini ponamboku: weo foleleꞌano Bhihita Metaa miina aesalo dhoi, hampano hakuku aesalo so kadadiꞌaku miina amakeea.

Ibrani 12:27

Wamba “tana sepaku” maitu ingka nokomaꞌana putae sabhaha nefokonandoo tifoguguno damosalie, neanomo tapa tifoguguno somo meateꞌano.

Yakobus 4:14

Bhahaa pandeꞌaanemoomu o ae so kumadhadhiaꞌano naewine? Peda amai bhahaa dadimiu itu? Ingka o dadimiu tapedamo pakahawu, notiwoha kaowu sebantaha maka nomiinae.

1 Petrus 1:24

Kapaꞌamo ⸤ notibuhi weo Kitabi,⸥ “O manusia tapedamo kahoku, sabhaha kakalabhiano kanggetu kambeano kahoku, o kahoku noleleumo, kambeano notantamo.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

1 Yohanes 2:17

Dhunia bhe sabhaha kanandoono nepoindalono manusia dhulu kasali, tamaka mie mangkafino kapoindalono Lahataꞌala nadumadi suhue dhamani.