1 Korintus 7:22 - Muna Southern Dialect

²² Hampano seemie bhatua nebhasino Ompu ingka nofobebasie Ompu. Pedamo dua mie bebasi nebhasino Ompu, ingka nembalimo bhatuano Kristus.

1 Korintus 7:22 Iomraidhean Croise

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

1 Korintus 7:21

Ane pakatibhasimu membali bhatua, ingka pae naoafaa. Ampamo kaowu ane bhe kasalawamu so mobebasiꞌao, pakee kasalawa aitu.

1 Korintus 9:19

Idi ini o mie bebasi, suano bhatuando manusia. Ampamo kaowu afobhatua wutoku ne kosasawindo mie, neanomo sedhuluꞌa dua kabhahindo mie so neowaku ne Kristus.

1 Korintus 9:21

Bhe mie suano Yahudi, adadi dua peda mie suano Yahudi tapa mangkafino tubhono agama Yahudi. Gahaꞌaitumo sakotuꞌuno idi ini miina adumadi we simbalino tubhono Lahataꞌala anaꞌa, hampano aangkafi tubhono Kristus. Kahabuꞌaku peda anaꞌa neanomo dabhahi mie tapa mangkafino tubhono agama Yahudi so neowaku ne Kristus.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Galatia 5:1

Kristus padamo nofobebasi kaita, neanomo intaodiomu kotu-kotuꞌu dabebasiomu. Dadiꞌanomo ehe fekatangkaomu, koise undaomu sumuli dakumuhumakoomu so bhatuano tubhono agama Yahudi.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Filemon 1:16

Aitu anoa suanomo seemie bhatua, tamaka nolaloiꞌemo, ingka nembalimo seemie bhahitiemu timoasiꞌaono. Sanginomo o idi aoasianemo, bhemo toha hintu. Tantumo moasiane, naetaa mbaꞌinomo mie bhaimu, naetaa mbaꞌinomo bhahitiemu weo Ompu.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.