1 Korintus 7:2 - Muna Southern Dialect

² Ampamo kaowu hampano dolentu balaano dopokawite-wite, naetaa seemie moꞌane bhe hobhineno wutono, seemie hobhine bhe moꞌaneno wutono.

1 Korintus 7:2 Iomraidhean Croise

Matius 5:32

Tamaka ambaku Idi, ane seemie moꞌane nohunsa mieno lambuno gahaꞌa mieno lambuno maitu miina namonsule, ingka nehabuanemo dhala so namonsuleꞌao ane hobhine anaꞌa nogaa toha. Laꞌae gumaano bhe hobhine nehunsa, nomonsulemo dua.

1 Korintus 6:18

Fekakodoꞌo wutomiu ne dhosano pokawite-wite, hampano sabhaha dhosa sigaoꞌano nehabundo manusia nokadhadhia we simbalino mbadhando, tamaka o mie pokawite-witeno ingka nokodhosa ne mbadhano wutono.

1 Korintus 7:1

Aitu atumobhoosiangkoomu wambano suhamiu ne idi. Ane seemie moꞌane miina nagumaa ingka netaa.

1 Korintus 7:3

Seemie moꞌane tetewei nadhumalangi takano peda seemie moꞌane ne hobhineno; pedamo aitu seemie hobhine tetewei nadhumalangi takano peda seemie hobhine ne moꞌaneno.

1 Korintus 7:9

Ampamo kaowu ane pae damooli damewanaki totono lalondo, naetaa dagumaa, kapaꞌamo naetaa dagumaa bhe namohansuruda nafusuundo.

Efesus 5:28

Pedamo dua aitu o moꞌane tabeano naoasiꞌao hobhineno nameda kaasino ne mbadhano wutono. Mie moasiꞌaono hobhineno ingka noasiꞌaomo dua wutono.

Efesus 5:33

Mahinggamo nada amai, hintimiu moꞌane seemie-seemie tetewei moasiane hobhinemu nameda kaasimu ne wutomu; hintimiu hobhine fosibhalaeꞌomu moꞌanemiu.

1 Tesalonika 4:4

Seemie-seemie moꞌane naeala bhe hobhineno so wutono maka nadumadi mongkilo ne pomatano Lahataꞌala bhe pomatano manusia.

1 Timotius 4:3

Andoa deꞌeleꞌao mie dagumaa bhe ambado nandoo oti so pata membaliꞌano daomaaꞌe. Gahaꞌaitumo oti amaitu nofokonandooꞌe Lahataꞌala so daomaa mie marasaeano ne Kristus bhe toka mandeꞌaono kabanara, poangka damoampe katumpuno lalondo.