1 Korintus 7:17 - Muna Southern Dialect

¹⁷ Dadiꞌanomo seemie-seemie tabeano natumahima kodadi peda toka nedawuꞌaono Lahataꞌala ne anoa, bhe tanamangka-angkamo kansuhu peda kodadi pakatibhasino ne Lahataꞌala. Ainimo tubho nefoinaꞌuꞌaoku ne kosasawindo umati neꞌamai-neꞌamai liwu.

1 Korintus 7:17 Iomraidhean Croise

Matius 19:12

Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 11:16

Ane bhe so tumagano, naetaa amohatokoomu putae insaodi tawa umatino Lahataꞌala sigaoꞌano, suano kanea mani ⸤ o hobhineꞌi⸥ dosambahea ⸤ miina daekantutu⸥ peda anaꞌa.

1 Korintus 11:34

Ane bhe moꞌahono, naetaa naomaa kadeki se lambuno, neanomo poꞌawa-awamiu paise naeowaangkoomu kahukumu. Kafoinaꞌu sigaoꞌano madaꞌo aꞌumatoroangkoeꞌomu humato amai.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

1 Korintus 16:1

Aitu apugauꞌao foꞌonuꞌano dhoi so umati marasaeano ⸤ we Yerusalem⸥ ; naetaa angkafiomu atora nefohatoꞌaoku ne sabhaha tombudo umati we kadieno Galatia.

1 Korintus 4:17

Kanandooꞌanomo atuduangkoomu Timotius, anaku timoasiꞌaono bhe kumampuu-mpuuno ne Ompu. Anoa nameꞌulaiangkoomu kodadiku peda seemie mangkafino Kristus Yesus, pedamo nefoinaꞌuꞌaoku ne kosasawindo umati ne amai maka kahatoꞌaku.

1 Korintus 7:18

Ibahano seemie pakatibhasino ne Lahataꞌala padamo dosunae, koemo fosaliea kasunano naꞌaa. Pedamo dua pakatibhasino miinaꞌo naesuna, koemo nesalo dasumunae.

1 Korintus 7:24

Bhahitieꞌiku, naetaa seemie-seemie sadaa-daa nadumadi te wiseno Lahataꞌala peda kodadino pakatibhasino.

1 Korintus 7:7

Sakotuꞌuꞌano gaoku kosasawindo mie nada dua idi ini, ampamo kaowu ingka seemie-seemie bhe kadawu kamoisaꞌaono maiꞌao ne Lahataꞌala, seemieno peda aini seemieno peda aitu.

2 Korintus 11:28

We simbalino anaꞌa seꞌo-seꞌoleo nomihi dua laloku afekihi kafaraluundo umati ne amai tombu.

2 Korintus 8:18

Nopoowa bhe anoa tatudu dua seemie bhahitie tipudhino ne sabhaha tombudo umati, hampano kahadhaano weo foleleꞌano Bhihita Metaa.

Galatia 1:22

Ampa wakutuu anaꞌa umati marasaeano ne Kristus we kadieno Yudea miinaꞌo bhe mohano ulaku.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

2 Tesalonika 1:4

Kanandooꞌanomo sampe ne olotando tombu-tombudo umatino Lahataꞌala, sadhia nowose bhake mani taetula-tulaꞌao sabahamiu potaamiomu bhe kaparasaemiu weo sabhaha kafodee-dee bhe kasabha nenamisimiu.