1 Korintus 5:10 - Muna Southern Dialect

¹⁰ Ampamo kaowu patudhuku suano sabhaha mie ne dhunia ini pokawite-witeno bhe kumadau-dauno, tawa mie fobhohe-bhoheꞌino bhe mesombaino barahala. Kapaꞌamo ane nada naꞌa ingka tabeano gumampianemoomu dhunia inia.

1 Korintus 5:10 Iomraidhean Croise

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.

Yohanes 17:9

Idi asambahea so andoa. Miina asumambahea so dhunia, tamaka so andoa newaꞌaomu ne Idi, kapaꞌamo andoa maitu fehebuaꞌamu.

Yohanes 8:23

Yesus nopugaumo dua ambano, “Hintimiu maiꞌaoꞌomu we panda. Idi amaiꞌao te wawo. Hintimiu maiꞌaoꞌomu we dhunia ini, Idi miina amaiꞌao ne dhunia.

1 Korintus 1:20

Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

1 Korintus 10:27

Ane dobhasikoomu momaaꞌomu ne lambuno mie tapa marasaeano ne Kristus, maka kumalaomu, tahumaamoomu ampa netaganando. Koemo fee-feenaꞌao kamaiꞌaoꞌano oti aitu, keana nosabha totono lalomiu kumatanga-tangano.

1 Korintus 5:11

Tamaka nebuhiku ini apulaoꞌao koise posabhangkaomu bhe mie mabhino wutono bhahitie marasaeano tamaka nopokawite-wite, nokadau-dau, nesombai barahala, nofoꞌumbu, nempohoꞌu bhe nofobhohe-bhoheꞌi. Mahingga momaa pombaliomu bhe mie medando aitu koise.

1 Korintus 5:9

Ingka weo suhaku padamo abuhiangkoeꞌomu, koise posabhangkaomu bhe mie pokawite-witeno.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Filipi 2:15

Ane nada anaꞌa motiwohaemoomu ingka hintimiu anaꞌino Lahataꞌala tapa kodengo-dengono, metaano diu bhe melaano lalo, dumadino ne wunta-wuntando mie dhamani aini, kosikadhi modaino bhe kolilinono totono lalo. Hintimiu membaliomu tapedamo kulipopo te lani kotilangano ne wunta-wuntando andoa maitu,

1 Yohanes 4:5

Mie mpahaana-anabiino maitu fehebuaꞌano dhunia; kanandooꞌanomo pugaundo pugauno dhunia, sampe miendo dhunia dofetingkee pugaundo.

1 Yohanes 4:7

Bhahitieꞌiku timoasiꞌaono! Pomoa-moasi kaitaomu kapaꞌamo kanini kaasi maitu nomaiꞌao ne Lahataꞌala. Kotika mie fomoasiꞌaono anaꞌinomo Lahataꞌala bhe nopandeꞌao Lahataꞌala.

1 Yohanes 5:19

Ingka dopandeꞌaanemo intaodiomu ini fehebuaꞌano Lahataꞌala, tamaka kosekaꞌewaꞌae dhunia ini nokuasaiꞌe Kafeompuꞌando seetani.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.