1 Korintus 4:6 - Muna Southern Dialect

⁶ Bhahitieꞌiku! Newambaku ini aesandaha ne Apolos bhe wutoku so kaetaaꞌamiu, neanomo naembali metuadaomu bhe poguhuomu maꞌanano wamba aini, “Koe liuꞌea tubho toka tibuhiꞌano!” Ane nada anaꞌa, ne olotamiu itu pae bhe mie nesangke-sangkemiu nalumiuꞌe mie bhaino.

1 Korintus 4:6 Iomraidhean Croise

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

1 Korintus 1:12

Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

1 Korintus 1:19

Nandoo tibuhino weo Kitabi peda aini, “Timbangindo mie kotimbangi amobinasae, kapandedo mie kokapande amosalie.”

1 Korintus 1:31

Dadiꞌanomo naposahataa bhe tibuhino weo Kitabi peda ini, “Mie sumangke-sangkeno wutono, naetaa namowose bhakeno hampano nehabuno Ompu.”

1 Korintus 13:4

O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.

1 Korintus 3:19

Kapaꞌamo nekonando kapande we dhunia ini, sanea bhohe ne pomatano Lahataꞌala. Ingka notibuhi weo Kitabi peda aini, “Lahataꞌala nepake kapandedo mie mande mbali tando kakonaꞌando wutondo.”

1 Korintus 3:21

Dadiꞌanomo koe bhe mesangke-sangkeno manusia bhaino, kapaꞌamo bhahi-bhahiꞌae ingka saneamo fehebuaꞌamiu.

1 Korintus 5:2

Tamaka mahingga pedamo itu nandoo dua nelangke diumiu. So mantasiꞌano ingka tabeano naopea lalomiu, bhe mie humabuno medando itu mogampieꞌomu maiꞌao ne olotamiu.

1 Korintus 5:6

Miina namantasia mekawose bhakemiua. Miina mandeꞌaaneomua gahaꞌa sekandai-ndai ragi noꞌendeanemo kosekabhahiꞌae kadhalono tarigu so roti?

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

1 Korintus 9:23

Bhahi-bhahiꞌae ini ahabue hampano Bhihita Metaa so aealaꞌao dua dawu weo kabarakatino.

2 Korintus 10:12

Daanumo miina taokado tamopesua wuto mani tawa tapototoꞌao wuto mani bhe mie sumangke-sangkeno wutondo. Ingka dobhohe sepaliꞌa, hampano deala tubho ne wutondo maka dopobandi-bandingiꞌao wutondo sapada-pada andoa.

2 Korintus 10:15

Insaodi miina tasumangke-sangke wuto mani hampano kahadhaando mie sigaoꞌano, nehabundo we sembalino kadie netida so insaodi. Ampamo kaowu taposahunaꞌao kaparasaeamiu dhulu kamatangka bhe kahadhaa mani ne olotamiu itu nasedhuluꞌa dua kalalesa, naposahataa bhe kaꞌewano kadie toka netidano Lahataꞌala so insaodi.

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 11:4

Kapaꞌamo wohaꞌamiu ingka tanetaaꞌimo dua ane dofohatoangkoomu Yesus poꞌalaꞌano bhe Yesus toka nefohatoꞌao mani. Wohaꞌano tahimaeꞌomu dua rohi poꞌalano bhe Rohi toka neꞌawamiu maiꞌao ne insaodi. Pedamo dua itu ingka tahimaeꞌomu dua bhihita poꞌalaꞌano bhe Bhihita Metaa toka netahimamiu maiꞌao ne insaodi.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

2 Korintus 12:6

Kapaꞌamo ane ibahano asumangke-sangke wutoku, ingka idi ini suano mie kabhohe-bhohe, hampano sabhaha nekowambaꞌaoku nokotuꞌu. Tamaka hunsaꞌanomo koemo apugaua, keana bhe mabhi kanau aliuꞌemo kahadhaaku newohando tawa pugauku nefetingkendo.

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

Kolose 2:18

Koe sampe damekahugikoomu mie wohaꞌano kaowu dofekapanda wutondo bhe desombai malaꞌekati. Mie andoa ini dofekalangke diundo, mahinggamo miina bhe tingkuno, dofekihi kanandoono dhunia bhe dosangke-sangke wutondo hampano dokopowoha.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.