1 Korintus 4:5 - Muna Southern Dialect

⁵ Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

1 Korintus 4:5 Iomraidhean Croise

Matius 10:26

Dadiꞌanomo koe moteꞌiomua; kapaꞌamo kosasawiꞌae tifebuniꞌano damotiumbae; sabhaha rahasia damekantaleaꞌie.

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.

Matius 24:46

Nokodawua mpuu bhatua naꞌa ane nohatofie kafeompuꞌano tangasano noalaꞌi gunano.

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Lukas 6:37

“Koise bhitahaki mie bhaimu, keana dua nobhitahakiko Lahataꞌala. Koise hukumu mie bhaimu, keana dua nohukumuko Lahataꞌala. Amponida mie bhaimu maka naꞌumamponiko dua Lahataꞌala.

Yohanes 21:22

Ambano Yesus, “Ane amoindalo anoa ini nadumadi kansuhu ampa asumuli, ingka suano nepandeꞌaomua. Ampamo kaowu hintu angkafi Idi.”

Yohanes 21:23

Gahaꞌa nolelemo dua bhihita ne olotando bhahitie marasaeano, putae anaguhu seemieno maitu pae namate-matea. Tamaka Yesus miina namugau ne Petrus putae anaguhu seemieno maitu pae namate, ampamo kaowu, “Ane amoindalo anoa ini nadumadi ampa asumuli, ingka suano nepandeꞌaomua.”

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Roma 14:4

Patudhumu laꞌae bhahaa hintu itu sampe mokado bhitahaki bhatuano Ompu? Kataano bhe kadaino kahadhaano ingka neatemo ne kafeompuꞌano. Bhatua aitu sadaa-daa kataano kahadhaano hampano wutono Ompu nokokuasa natumulumie.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 1:7

Dadiꞌanomo miinamo bhe kapooli nedawuꞌaono Rohino Lahataꞌala nemokaeꞌaomiua maka taanta-antagimoomu oleo so katiwohaꞌano Ompuntoomu Yesus Kristus ne sabhaha mie.

1 Korintus 11:16

Ane bhe so tumagano, naetaa amohatokoomu putae insaodi tawa umatino Lahataꞌala sigaoꞌano, suano kanea mani ⸤ o hobhineꞌi⸥ dosambahea ⸤ miina daekantutu⸥ peda anaꞌa.

1 Korintus 11:26

Kapaꞌamo taenomo humaaꞌomu roti bhe fohoꞌuomu ne kampohoꞌuꞌa peda aini, ingka mefoleleomu bhihita mateno Ompu, ampa oleo so kahatoꞌano.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

1 Korintus 3:14

Ane lambu nefoehe maitu pae naomaaꞌe efi, ingka mie kumahadhaaꞌe naꞌumawa ponambono.

1 Korintus 3:8

Metisano bhe metubhasino ingka tanopototomo kahadhaando, seemie-seemie naꞌumawa ponambono naposahataa bhe kawuleno nokahadhaa.

2 Korintus 10:18

Kapaꞌamo mie so moolino ne kaꞌudhi, suano mie mudhino wutono, tamaka mie nepudhino Ompu.

2 Korintus 10:9

Ampamo kaowu akiido kao-kaomo akateꞌifiangkoomu suhaku ini.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

1 Tesalonika 5:2

Ingka pandeꞌaanemoomu mpuu oleo kahatoꞌano Ompu nada seemie kasoꞌo nomai kohondoꞌa.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.

Yakobus 5:7

Dadiꞌanomo bhahitieꞌiku, kosabahaomu ampa oleo kahatoꞌano Ompu. Mesandahaomu ne mie mekaampono, kabhalano sabahando doantagi pehapi koharagaa maiꞌaono ne wite. Dosabaha kansuhu doantagi useno bhaha bhe useno timbu.

Yakobus 5:9

Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

2 Petrus 3:12

Weo dadi medando naꞌa ntumaa-ntaaꞌomu oleono kahatoꞌano Ompu bhe uleiꞌe lalomiu so napikihatoꞌao. Ne oleo anaꞌa o lani naowolo natikantunu, sabhaha ndumandooꞌano te lani nameꞌoe hampano hendeno efi.

2 Petrus 3:4

Andoa dapugau ambado, “Ingka ambado, Ompu nopodhandi namai, kaowua ne amaiꞌemo bhahaa? Kapaꞌamo awuaꞌintoomu domatemo, maka o dhunia mpini pakatifokonandoono, taꞌampamo aitu ingka sadaa-daaꞌemo.”

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.