1 Korintus 4:21 - Muna Southern Dialect

²¹ Dadiꞌanomo medando ae nepoindalomiu? Tamepilimoomu: amai aeowaangkoomu kapepe, kaa amai amalu-malusikoomu weo kanini kaasi?

1 Korintus 4:21 Iomraidhean Croise

1 Korintus 4:18

Ingka nandoomo seemie hodua melangkeno diu, weo fekihindo paemo amai we hintimiu itu.

1 Korintus 5:5

maka weo neano Ompu Yesus mie aitu tetewei tawakalaaneomu ne Kafeompuꞌando seetani, neanomo mbadhano nabinasa tamaka alusuno damosalamatie ne oleo kahatoꞌano Ompu.

2 Korintus 1:23

Bhe Lahataꞌala sumakusii kanau, ingka nopandeꞌaane totono laloku, pata kamaiꞌaku we Korintus itu hampano akiido amekakompeaha lalomiu.

2 Korintus 10:6

Ane natiwohamo hintimiu kotu-kotuꞌu membaliomu mie meangkano ⸤ ne Kristus⸥ , insaodi tamantaa-ntaa tahumukumu sabhaha mie tapa meangkano.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.

2 Korintus 12:18

Ingka padamo atudu Titus bhe seemie bhahitie damai we hintimiu itu. Bhahaa Titus ini mealano laba ne hintimiu? Ingka kohodua mani takahadhaa tasepatudhu bhe tasekaangkaꞌa.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

2 Korintus 13:2

Ingka mieꞌi mehabuno dhosa endefiꞌini bhe mie sigaoꞌano dua padamo aefeꞌulaianda wakutuuno amai we hintimiu kahaa pakuno itu. Aitu nandoo dopokodoꞌotiomu, amenduaꞌangkoeꞌomu toha, humato amai mie pedando anaꞌa paemo aooloandaa daeꞌawa kahukumu.

2 Korintus 2:1

Dadiꞌanomo padamo abhotusie weo totono laloku, pae kadeki amai toha we hintimiu bhahaa nokompeaha lalomiu.

2 Korintus 2:3

Kanandooꞌanomo aebuhiangkoomu suha, neanomo humato amai paise nakompeaha laloku. Kapaꞌamo hintimiu sakotuꞌuno so mekaꞌia kanau. Aparasaeakoomu mpuu, kawulano laloku ingka kawulanomo dua lalomiu kosasawimiu.

2 Korintus 3:10

Sakotuꞌuno ⸤ podhandiꞌa⸥ endefiꞌini nekonando nokalabhia, miina bhe maꞌa-maꞌananoa ane dopototoane bhe kakalabhiano ⸤ podhandiꞌa buꞌou⸥ moliuno bhahi-bhahiꞌae ini.

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

1 Tesalonika 2:7

Nomalu lalo mani taeate bhe hintimiu, tapedamo seemie ina nodambaꞌao anano.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.