1 Korintus 4:16 - Muna Southern Dialect

¹⁶ Dadiꞌanomo aesalo mpuu, angkafiomu sandaha nefotiwohaku!

1 Korintus 4:16 Iomraidhean Croise

1 Korintus 11:1

Angkafiomu sandahaku ini, tapedamo idi ini aangkafi sandahano Kristus.

Filipi 3:17

Bhahitieꞌiku, mesandahaomu ne idi. Padamo tafotiwohaangkoomu sandaha metaa, dadiꞌanomo fotinda-tindaeꞌomu mie mesandahano ne insaodi ini.

Filipi 4:9

Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

2 Tesalonika 3:9

Tahabu peda amaitu, suano mbaꞌinomo miina takohakua takonisalo, tamaka tapoindalo taehabuangkoomu sandaha so neangkafimiu.

Ibrani 13:7

Feꞌulaidaomu neangkamiu toka mefosampeangkoomu bhoasaono Lahataꞌala. Ondoomu kodadindo bhe komatendo, maka mesandahaomu ne kaparasaeando.

1 Petrus 5:3

Koise habu wutomiu peda seemie kafeompuꞌa, tamaka membaliomu so sandahando umati.