1 Korintus 4:10 - Muna Southern Dialect

¹⁰ Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

1 Korintus 4:10 Iomraidhean Croise

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

Lukas 10:16

⸤ Pada aitu nopugaumo ne anaguhuꞌino, ambano,⸥ “Laꞌae metingkekoomu, nofetingkemo Idi. Laꞌae mongaheꞌikoomu, nongaheꞌimo Idi. Laꞌae mongaheꞌino Idi, nongaheꞌimo dua Tumudu kanau.”

Lukas 18:9

Yesus nepakemo dua kapalenda aini ne mie mabhino wutondo mie banara bhe misakino mie bhaindo.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Tula-tulando rasulu 17:32

Dofetingke kawanuꞌando mie mate, nandoo tadebheu bhe dofuta-futaaꞌie. Tamaka nandoo dua mugauno ambado, “Gao mani tametingke toha tana sepaku metula-tulaꞌao medano aitu.”

Tula-tulando rasulu 26:24

Tangasano Paulus nopotunduꞌao wutono peda amaitu, nopugaumo gubernur Festus bhe nokei ambano, “Ingka mobheemo Paulus! Nofekabheekomo kapandemu itu.”

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 1:25

Kapaꞌamo wohaꞌano kabhoheno Lahataꞌala ingka nofoliuꞌe kapandedo manusia, wohaꞌano kanaleno Lahataꞌala ingka nofoliuꞌe kaꞌosando manusia.

1 Korintus 10:12

Mie mabhino wutono notangka eheno, tabeano naposiꞌondo bhahasaa notifondole.

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

1 Korintus 2:3

Wakutuuno amai we hintimiu itu, idi ini aonale sepaliꞌa, bhe nogugu kanau kateꞌi.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

1 Korintus 3:2

Endefiꞌini kao-kaomo afotitikoomu, miinaꞌo amaꞌangkoomu oti motuꞌa, kapaꞌamo miinaꞌo mondoiꞌeomua. Gahaꞌa taꞌampamo dua aitu sadaa-daa miinaꞌo mondoiꞌeomua,

1 Korintus 4:8

Ingka fekihimiu moweꞌimoomu, mohangkaeamoomu, membaliomu kafeompuꞌa, ingka miina maraluu kainsamiomua. Kakesa maka ane kotu-kotuꞌu membaliomu kafeompuꞌa, neanomo naembali tamahinta tapoowa bhe hintimiu.

2 Korintus 10:10

Kapaꞌamo ambado mie, “Suhano daanumo nogili bhe noꞌosa, tamaka gahaꞌa hato dopowise bhe mieno tanemalu-malusi, wambano miina nakomaꞌa-maꞌanaa.”

2 Korintus 11:19

Ingka netaa mpuu mesabahakiomu mie bhohe, hampano abhi wutomiu mie mande.

2 Korintus 11:29

Ane bhe monaleno, ingka aonale dua; ane bhe mondawuno weo dhosa totono laloku pasae dotunue.

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

2 Korintus 4:12

Pedamo anaꞌa insaodi sadhia taewiseki mate, tamaka hintimiu meꞌawaomu dadi.

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.