1 Korintus 3:9 - Muna Southern Dialect

⁹ Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

1 Korintus 3:9 Iomraidhean Croise

Matius 15:13

Yesus tanotobhoosida ambano, “Kotika kantisa tapa netisano Amaku te surugaa, tetewei damadae dabunatie.

Matius 16:18

Amohatoko, hintumo Petrus ⸤ maꞌanano nea aini o kontu dempa,⸥ maka te wawono dempa aini amoehe umatiku. Mahingga kuasano mate pae natumaloea.

Matius 9:37

Nopugaumo Yesus ne anaguhuꞌino ambano, “Pehapi so netobhe nobhahi, tamaka kumahadhaano dendai.

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Tula-tulando rasulu 4:11

Yesusmo ini nepulaoꞌaono Kitabi, ‘Kontu neꞌohondo mefelambuno, gahaꞌa nembalimo sandi bhalano.’ ⸤ Mefelambuno naꞌa ingka hintimiumo itu.⸥

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

1 Korintus 3:6

Idi metisano, Apolos tumubhasiane oe, tamaka wutono Lahataꞌala mefotumbuno kantisa.

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

3 Yohanes 1:8

Dadiꞌanomo intaodiomu tabeano nahumelasi lalontoomu damotiampe bhahitieꞌintoomu peda andoa itu. Nadamo aitu intaodiomu dealamo dua dawu weo foleleꞌano bhihitano kabanara.