1 Korintus 3:4 - Muna Southern Dialect

⁴ Ane nandoo pugauno, “Idi ne wetano Paulus,” maka sigaoꞌano nopugau dua, “Idi ne wetano Apolos,” ingka nentaleamo podiumiu tanopototomo bhe mie bhaimiu ne dhunia ini.

1 Korintus 3:4 Iomraidhean Croise

1 Korintus 1:12

Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

1 Korintus 4:6

Bhahitieꞌiku! Newambaku ini aesandaha ne Apolos bhe wutoku so kaetaaꞌamiu, neanomo naembali metuadaomu bhe poguhuomu maꞌanano wamba aini, “Koe liuꞌea tubho toka tibuhiꞌano!” Ane nada anaꞌa, ne olotamiu itu pae bhe mie nesangke-sangkemiu nalumiuꞌe mie bhaino.

Galatia 1:11

Bhahitieꞌiku, gaoku mandeꞌaaneomu mpuu, Bhihita Metaa nefoleleku ini suano bhihita maiꞌaono ne fekihindo manusia.