1 Korintus 3:10 - Muna Southern Dialect

¹⁰ Noposahataa bhe kadawuno Lahataꞌala newaꞌaono ne idi, aembalimo peda pandeno lambu kokapandeno, padamo afongkohae sandino, bhaindo mongkohano lambuno. Ampamo kaowu seemie-seemie tabeano nakodhaga mpuu weo kahadhaano naefoehe lambu te wawono sandi amaitu.

1 Korintus 3:10 Iomraidhean Croise

Matius 24:45

“Laꞌae bhahaa bhatua motuhuno lalo bhe mandeno maitu? Anoamo maitu nesangkeno kafeompuꞌano so neangkando bhatua bhaino, naetaganaanda daomaa napobutu bhe tempono.

Matius 7:24

“Laꞌae metingkeno pugauku ini maka noangkafie, nopototo bhe seemie mandeno moeheno lambuno te wawono dempa.

Lukas 11:35

Dadiꞌanomo posiꞌondoomu, bhahasaa nahohondo tilanga ne wutomiu itu.

Lukas 21:8

Ambano Yesus, “Kodhagaomu, bhahasaa dofokolilino totono lalomiu. Kapaꞌamo dobhahi mie so maino damake neaku bhe dapugau, ‘Idimo ini Mesias, tempono nomaꞌomo.’ Koise angkafidaomua.

Tula-tulando rasulu 18:27

Pada anaꞌa Apolos nopoindalo nalumimba we kadieno Akaya maka bhahitieꞌi we Efesus depakatu suha ne bhahitie marasaeano we Akaya neanomo datumahimae. Sahatono we Akaya, hampano kabarakatino Lahataꞌala Apolos nokofahalaa sepaliꞌa mbali mie marasaeano ne Yesus ne kadie aitu.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

Roma 15:15

Ampamo kaowu akakadoi wutoku aebuhiangkoomu sehonda haa honda kafeꞌulai weo suhaku ini, hampano ainimo taka kaꞌondofaoku newaꞌaono Lahataꞌala.

Roma 15:20

Patudhukumo sehonda-hondano kaomponano ini, aefolele Bhihita Metaa ne liwu-liwu tapaꞌo metingkeno neano Kristus, keana dokona kanau aefongkoha lambu ne sandi toka nefongkohando bhaindo.

1 Korintus 3:11

Kapaꞌamo bhe naseemie pae bhe so moolino mefongkohano sandi sigaoꞌano we simbalino sandi toka tifongkohaꞌano, o wutono Yesus Kristus.

1 Korintus 9:2

Mahinggamo mie bhaindo miina dakumona kanau rasulu, tamaka so hintimiu idi ini tantumo rasulu. Kapaꞌamo dadimiu peda mie marasaeano ne Ompu ingka o bukutiinomo karasuluꞌaku.

2 Korintus 10:15

Insaodi miina tasumangke-sangke wuto mani hampano kahadhaando mie sigaoꞌano, nehabundo we sembalino kadie netida so insaodi. Ampamo kaowu taposahunaꞌao kaparasaeamiu dhulu kamatangka bhe kahadhaa mani ne olotamiu itu nasedhuluꞌa dua kalalesa, naposahataa bhe kaꞌewano kadie toka netidano Lahataꞌala so insaodi.

Efesus 2:20

Hintimiu tapedamo lambu bhalano, nefoeheno Lahataꞌala te wawono kontu sandi. Sandi anaꞌa padamo dofongkohae rasuluꞌi bhe ana-anabii. Sandi foliuno kabhala ingka wutono Kristus.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 4:17

Fohatoomu dua Arkipus, “Fotokaemo kahadhaa netahimamu weo kaꞌondofaomu ne Ompu.”

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

2 Timotius 2:15

Uleiꞌe lalomu kahadhaa so noꞌiaꞌao Lahataꞌala, membalimo mie tapa moambanoꞌaono nekahadhaano, maꞌanano fofoinaꞌuꞌao bhoasao banara melaa-melaa.

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.

Powoha 21:14

Sandino benteno kota amaitu ompulu haa poi kontu bhalano, te wawono notibuhi neando koompulu hoduando rasuluno Anano Dhumba.

Powoha 21:19

Sandino benteno dolegasiane sabhaha kontu moinda. Sandi kabhao-bhaono nomaiꞌao ne kontu moinda moidho nekonando baidhuri; sandi kahaa onuno nomaiꞌao ne kontu moinda kakanda nekonando nilam; sandi katolu onuno nomaiꞌao ne kontu moinda pupuda nekonando yakut; sandi kafato onuno nomaiꞌao ne kontu moinda moidho nekonando zamrud.