1 Korintus 2:9 - Muna Southern Dialect

⁹ Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

1 Korintus 2:9 Iomraidhean Croise

Matius 20:23

Ambano dua Yesus, “Uumbe daanumo, mohoꞌuomu ne kampohoꞌuꞌaku, tamaka kaengkohaꞌa ne kema tawa ne suana suano Idi so motantue. Kaengkohaꞌa anaꞌa pada dofontaa-ntaaꞌandae mie toka nepilino Amaku.”

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

Ibrani 11:16

Tamaka ingka nentalea andoa nokamba lalondo ne liwu sedhuluꞌano kataa, maꞌanano o liwu te surugaa. Kanandooꞌanomo Lahataꞌala miina naoambanoa dokonae Lahataꞌalando, kapaꞌamo padamo nefontaa-ntaaꞌanda seꞌonu kota.

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

1 Yohanes 4:19

Intaodiomu ini dofomoasiꞌao, hampano Lahataꞌala paꞌindulumo nofomoasiꞌao.