1 Korintus 2:6 - Muna Southern Dialect

⁶ Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

1 Korintus 2:6 Iomraidhean Croise

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Lukas 16:8

Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea.

1 Korintus 1:28

Mie mepandano kaengkohaꞌa we dhunia ini, mie nepisaki, bhahamo mie tapa kofaha-fahalaano ne pomatano dhunia, nopilida Lahataꞌala so namosaliꞌao melangkeno kaengkohaꞌa ne pomatando manusia.

1 Korintus 12:8

Seemie nowaꞌane kapooli nokotimbangi pugauno, o Rohi fowaꞌaono. Seemieno nowaꞌane kapooli nokokapande pugauno, o Rohimo dua anaꞌa fowaꞌaono.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

1 Korintus 2:1

Bhahitieꞌiku! Wakutuuno amai we hintimiu bhe afohatoangkoomu bhihitano Lahataꞌala, miina aepake wamba mokesa tawa afotiwohaangkoomu kapandeku.

1 Korintus 2:13

Dadiꞌanomo ane tatalesao sabhaha giu pokaiꞌano bhe Rohino Lahataꞌala, tatalesaane ne mie toka tumahimano Rohino Lahataꞌala, miina taepake wambano kapande nepoguhuꞌao mani ne manusia, tamaka taepake wamba nepoguhuꞌao mani ne Rohino Lahataꞌala.

1 Korintus 2:8

Miina bhe mintahano kuasa ne dhamani aini lumosangino kapande anaꞌa, kapaꞌamo ane dalumosangie, ingka Ompu Kumalabhiano tetewei paise dakumantaiꞌe te sau salipu.

1 Korintus 3:1

Bhahitieꞌiku! Wakutuu anaꞌa miinaꞌo naembalia apugau bhe hintimiu peda apugau ne mie toka nekabhintino Rohino Lahataꞌala, tamaka nandoo apugau ne mie nekuasaino kapoindalono dhunia, kao-kaomo hintimiu sadaa-daa kaana-anaꞌi weo kaparasaeamiu ne Kristus.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 4:3

Ane ibahano Bhihita Metaa neowa mani ini nandoo notiꞌonto, miina natilosangi, ingka mpahinomo mie humopeno ne kabinasa tapa lumosangie.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Ibrani 5:14

Tamaka oti motuꞌa so mie motangkano dadi, andoa dokaneamo wutondo dopake matando, tingalando bhe siitondo, sampe nembalimo dopofelesaane metaaꞌano bhe modaiꞌano.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

Yakobus 3:15

Kakotimbangi pedando naꞌa suano maiꞌaono te surugaa, tamaka nomaiꞌao ne dhunia, ne nafusuundo manusia, bhe ne seetani.

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.