1 Korintus 2:4 - Muna Southern Dialect

⁴ Weo bhihita bhe kafoinaꞌu nefosampeku naꞌa, ingka miina aepake wambado mie mande timohelaꞌaono lalo, tamaka wambaku nopobhaiane tanda-tanda motiwohano kuasano Rohino Lahataꞌala.

1 Korintus 2:4 Iomraidhean Croise

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

Tula-tulando rasulu 26:28

Nopugaumo Agripa ambano, “Kunaꞌemu sebantaha gahaꞌa mosarani kanau?”

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

1 Korintus 1:17

Kapaꞌamo Kristus notudu kanau suano so afokadiu saraniꞌao, tamaka so aefoleleꞌao Bhihita Metaa; sanginomo aini tabeano adhumalangie pae atumangkaꞌao kapandeku apugau, keana nosia-siaꞌao kuasano mateno Kristus te sau salipuno.

1 Korintus 2:1

Bhahitieꞌiku! Wakutuuno amai we hintimiu bhe afohatoangkoomu bhihitano Lahataꞌala, miina aepake wamba mokesa tawa afotiwohaangkoomu kapandeku.

1 Korintus 2:13

Dadiꞌanomo ane tatalesao sabhaha giu pokaiꞌano bhe Rohino Lahataꞌala, tatalesaane ne mie toka tumahimano Rohino Lahataꞌala, miina taepake wambano kapande nepoguhuꞌao mani ne manusia, tamaka taepake wamba nepoguhuꞌao mani ne Rohino Lahataꞌala.

1 Korintus 4:20

Kapaꞌamo Kafopahintaꞌano Lahataꞌala miina kaowu natiwoha ne pugaundo manusia, tamaka notiwoha ne kuasano Lahataꞌala ⸤ weo dadindo manusia⸥ .

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Kolose 2:4

Kanandooꞌano afohatokoomu peda aini keana dobhohe-bhoheꞌikoomu mie mekameko-mekono wambano.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

2 Petrus 1:16

Wakutuuno tafohatoangkoomu kuasano Omputo Yesus Kristus bhe kahatoꞌano mada kaowu, insaodi miina tamangkafi kapu-kapuna nehabundo manusia, tamaka padamo tawohaꞌao wuntano mata mani kakalabhiano.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.