1 Korintus 2:12 - Muna Southern Dialect

¹² Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

1 Korintus 2:12 Iomraidhean Croise

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

1 Korintus 1:27

Kapaꞌamo Lahataꞌala nepili mie bhohe ne pomatando manusia so daoambanoꞌao mie mande, nepili dua mie monale ne pomatando manusia so daoambanoꞌao mie moꞌosa.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

1 Korintus 3:22

Naetaa ndo Paulus, Apolos bhe Petrus, naetaa o dhunia, o dadi bhe mate, sampe dhamani aini bhe oleo mbuhumai ingka saneamo fehebuaꞌamiu.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”

1 Yohanes 2:20

Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 22:6

Pada anaꞌa nopugaumo malaꞌekati amaitu ambano, “Sabhaha bhoasao aini notiparasaea bhe nobanara. Ompu Lahataꞌala maꞌaono Rohino ne ana-anabii, notudumo malaꞌekatino namotiwoha ne palima-limaꞌino o ae tetewei so kumadhadhiaꞌano mehimba.”