1 Korintus 2:10 - Muna Southern Dialect

¹⁰ Tamaka ne intaodiomu Lahataꞌala padamo nofohato kaitae noangka ne Rohino. Rohino Lahataꞌala ingka nolosangi bhahi-bhahiꞌae, mahingga patudhuno Lahataꞌala tifebuniꞌano sepaliꞌa.

1 Korintus 2:10 Iomraidhean Croise

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

Lukas 2:26

bhe padamo dua nofohatoe, paeꞌo namatea ane paeꞌo namoha Omputo Fosalamatino nedhandiꞌaono Ompu.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 16:13

Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

1 Korintus 14:30

Tamaka ane seemie ne olotamiu naꞌa nengkoha-ngkoha tambaꞌomo nokopowoha maiꞌao ne Lahataꞌala, maka mie tangasano pugauno nametumpu kadeki.

1 Korintus 2:11

Laꞌae bhahaa so mandeꞌaono totono lalono manusia? Ingka tantumo rohino manusia aitu. Pedamo dua aitu miina bhe manusia mandeꞌaono totono lalono Lahataꞌala, mpahinomo wutono Rohino Lahataꞌala.

Galatia 1:12

Kapaꞌamo Bhihita aini miina atumahimae ne manusia, suano dua manusia moguhu kanaꞌe, tamaka iꞌino Bhihita Metaa ini atahimae ne wutono Yesus Kristus. Anoamo motiumba kanaꞌe.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

1 Timotius 4:1

Rohino Lahataꞌala pada nofofohato fotinda-tindae, mada kaowu ne dhamani mbuhumai nandumandoo mie so humunsano kaparasaeando maka damangkafi rohi modai fokolilinono bhe kafoinaꞌundo seetani.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

1 Yohanes 2:20

Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Powoha 2:24

Ampamo kaowu hintimiu miendo Tiatira sigaoꞌano itu, tapa mangkafino kafoinaꞌu bhe tapa moguhuꞌaono nekonando lofotano Kafeompuꞌando seetani maitu, amohatokoomu: paise amotongkuangkoomu wowoꞌo sigaoꞌano.