1 Korintus 16:12 - Muna Southern Dialect

¹² Pedamo dua bhahitientoomu Apolos, ingka afendu-fenduaꞌemo afeꞌulaiane namai we hintimiu napoowa-owa bhe bhahitie sigaoꞌano, tamaka miina sepaliꞌa naꞌumundaa namai haꞌoleo ini. Ane bhe kasalawa metaa tetewei namai dua.

1 Korintus 16:12 Iomraidhean Croise

Markus 6:21

Panda-pandano Herodias neꞌawa dua katolala metaa ne kahameno kafeꞌulaino oleo kalenteꞌano Herodes. Ne oleono Herodes nehabu kahame naꞌa, kosasawindo kabhala weo kadieno Galilea, neangkaꞌindo tantara bhe kamungkulaꞌi weo liwu nopadada nosaliꞌida.

Tula-tulando rasulu 15:34

[Tamaka Silas nokopatudhu naeate-ate deki ne itu.]

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 19:1

Tangasano Apolos nandooꞌe we Korintus, Paulus nopalintangimo tombuno kabhawo weo kadie aitu maka nohato we kotano Efesus. Ne itu nopoꞌawaꞌao seemie hodua mie mangkafino Yesus.

Tula-tulando rasulu 24:25

Tamaka hato Paulus nopugauꞌao dadi banara, damewanaki totono lalo bhe kabhotusi nahumato Oleono Kiama, gubernur Feliks noteꞌimo. Nopugaumo ambano, “Netaamo, kalamo kadeki. Ane bhe kasalawa metaa madaꞌo toha asumaliꞌiko.”

1 Korintus 1:12

Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

1 Korintus 3:22

Naetaa ndo Paulus, Apolos bhe Petrus, naetaa o dhunia, o dadi bhe mate, sampe dhamani aini bhe oleo mbuhumai ingka saneamo fehebuaꞌamiu.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

Titus 3:13

Ulei lalomu tulumi ndo Zenas, pande Kitabi itu, bhe Apolos so kumalano itu, keana dokonikae weo kala-kalando.

Titus 3:4

Tamaka Lahataꞌala Mosalamati kaita padamo nofotiwoha kataano lalono bhe kanini kaasino ne manusia.